Дереваннoйсалoн гаж
Парма гор (Голос пармы) 08.04.2008
http://www.komipress.ru/smi/issue.php?id=197489
Кужöны гажöдчыны Дереваннöй сиктын. Со и нывбабаяслöн лун эз коль бокö. Велöдчысьяс сьылöмöн да йöктöмöн петкöдчисны пöрысьяслöн керкаын, а сиктса клубын быдногыс ордйысисны аньяс. Вузасьысьяс лöсьöдiсны козин, вöрын уджалысьяс тöдмалiсны пуяслысь нимъяс, велöдысьяс гижисны нывбабаяс йылысь висьтъяс да с.в. Медводдза места босьтiсны почтаса уджалысьяс, мöдöдöс -велöдысьяс. Рыт коллялiсны чай юигмоз. Гаж котыртöмысь, сёян-юан да сьöм вичмöдöмысь ыджыд аттьö Валерий Владимирович Морозлы да Ия Михайловна Малевалы.
Клубын жö гаж петкöдлiсны мöдöд номера детсадса челядь.
Волiны зэв мича паськомаось, кодöс вурöмаöсь детсадса уджалысьяс.
Челядь бöрын сцена вылö петавлiсны мамъяс. Найöс пöся аттьöалiсны челядьöс мывкыда быдтöмысь да садлы отсöг сетöмысь.
Дереваннöйса шöр школаысь социальнöй юкöнса педагог Г.В.Гуляева нуöдiс рыт мамъяскöд, кодъяс ас ныв-пиысь öтдор видзöны да быдтöны челядь керкаысь босьтöмъясöс.
2008 во сиöма семьялы. Заводитчöмыс, чайта, бур. Мед и водзö лоö тадзи.
Людмила РАКИНА, социальнoй юкoнса уджалысь.