Бадьёльйывсаяс - Бадьёльские

Информация о пользователе

Привет, Гость! Войдите или зарегистрируйтесь.

Вы здесь » Бадьёльйывсаяс - Бадьёльские » Борис Васильевич Уляшев » ВИДЗЪЯС ВЫЛЫН ЮРГИС НОР СЬЫЛАН

ВИДЗЪЯС ВЫЛЫН ЮРГИС НОР СЬЫЛАН

Страница: 1

Сообщений 1 страница 3 из 3

1

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

ВИДЗЪЯС ВЫЛЫН ЮРГИС НОР СЬЫЛАН

   Паськыдöсь ыбъясыс Бадьёльйыв сиктса "Выль Войвыв" колхозлöн. – 400 гектар сикт гöгöрын. Сыысь öтдор рытывладорас 2 километр ылнаын Шорсай участок, лунвылын - Ертуй Керöс, войладорас - Митита тыла 5 километр сайын, 15 километр ылнаын Мöскапасын огород. Сэнi звено быдтö капуста, свеклö, лук - госпоставка вештыны, и мöc сёркни мöc-кукъяcöс вердны. А видзьяс – 700 гектарысь унджык – Вöль ю пöлöн Паса Тыласянь Дiасёръяöдз. Cиктсянь ылынöcь. Уна вын да кад пуктöма сиктса йöзлöн некымын кöленаöн чер да зор кежысь та мында видз-му вöчöмас.
   Коймöд во нин война заводитчöмcянь. Став мужик рöдыс 17-сянъ 60 арöсöдз фронт вылынöcь. А видз-му уджыс оз чин. Колхозлöн вöлöн ытшкан öти машина. Сэнi витнан бригадаыcлысь ытшкö шыльыдджык. видзьяссö. Мукöд техника абу.
   Бабаяслöн куран-косаяс жебиникбöсь, важмöмаöсь. Косаяс векнялöмаöсь, чорыдiныc бырöма. Куранъяс воймöмаöсь, сьбöд нисьö рудöсь, пиньясыс чинöмаöсь. Бригадаясын 15-16 арöса челядь сорыс морт 25, но зорöдъяс чöвтны лоö нывбабаяслы.
Витöд бригадаса войтыр пуктысьöны медся ылi видзьяс вылын: Пластия Ляпкыд Слуда, Дia-Сёръя пывсян дор. Сиктсянь 15-20 да унджык верст сайын. Бригадирыс - Тима Нина, пусьö Васька Степан ("кашевар бака плеш"). Тöчитчöны Сава Пиля старик да Прокö Тима. Сiйö кок пöлöн воис война вылысь.
   - Армияад меным зэв ён кок сетiны, кöртысь, - шмонитö Тима.
   Абу на тай аслад кодь. Протезыс сьöкыд дай кок помсьыс вöcни кучиксö вируляöдз зыртö. Аслыс ковмис вöчны пуысь. Тима, енсыкöд, мортыс кипода. Кузь тöвбыд пуысь да сюмöдысь вöчасьö: туисъяс, чуманъяс, шомбсъяс, пельсаяс. Тывъяс кыб. Гöтырыслöн помöй ведраыc важмöма да, вöис жö вöcньыдик коз пу пöвъясысь кокньыдикöс. Татшöм шылльö-мылльöтö пö сиктса йöзыд Горох цар дырйи нин кужлöмаöсь вöчавны. Карасина стеклö лампалöн кокыс чегöма:
   - Me аслым на сямми вöчны, а талы кокыд артмас нин, - бара шмонитö. Гынкöмъяс,
кöтiяс дöмлö аслас семьялы и дöваяслы. Выль кöтiяс утъялö, сюрö кö шогмана кучикыс. Меным пö öти кокнад кöм гозйыд кык пöв дырджык тырмö новлыны мукöдлы дорысь.
   Гöжöмнас Тима унджык кадсö видз вылын. Гортас петавлö пывcьыны, видз вылас кö абу пывcяныc. Тöчитчöмысь öтдор косаяс пуалö, куранъяс дзоньталö, сюмöд кульö туисъяс да чуманъяс вöчны, вöcни коз пу вожъяс чукäртä туис доръяс вурлыны ыджыд тöлöн да ытва дырйи пöрöдöм пуяслысь. Удитö и чери кыйны водз асывнас. Кык старик сирöд мыръяс чукöртлöны сир вийöдны - кöтiяс и пыж мавтны, и кыбны азьлаcöн. Молля коз сир чукöртöны пыж набой коcтъясс мавтны-дзужавны.
   Тималбн гöтырыс - Öльöш Öташ - быд лун вöлöн вайö страдуйтысьяслы сеян: колхоз складысь рок шыдöc и кодлы мый ыстасны гортсьыс - йöв туисъяс, качысь либо пелысь корйысь пызь сорöн пöжалöм cöчöнъяс.
   Тима пестö каллянсö, мудзмöныc нин тöчитчöма. Öгаш дэльöдчö-вильшасьö верöсыслы (гозъялöн öд гажыс бырлö жö).
   - Дугды, колöкö, - öлöдö Тима. - Печикта öд.
   - Me öд пышъя, тэ пу кокнад он на и суöд, - сералö Öгаш.
   - Палич öд суöдас, - шмонитö Тима.
   Гозъя кыкнанныс зэв шутливöcь. Дерт, ёнтö сьöлöмныcö, война вылын öд кык пи - Егор да Öльöксан. Но йöз син водзö оз петкöдны шогсьöмcö.
   Егор мöд во нин вöлi срочной служба вылын, кор пансис войнаые. Арнас воис повестка и Öльöксанлы. Мöд воас и Тималы, квайт челядьлöн батьлы, ковмис мунны фронт вылö. Вичмис апавны порок тшын дуксö да терпитны страксö войналысь, отсавны ранитчöмъяслы да дзебны-гуавны кувсьöмъясöе. А аcсьыс ёртсö, Егор Прокööс, эз вермы меститны, ачыс ранитчис тыш дырйи, кöть шойччигöн пыр öтлаьш вöлшы öти сиктсаясыд. И со вирöн ойдöма ёртыс, абу нин ловъя. Куим челядь колины батьтöг. Война...
   Дыр ковмис бурдöдчыны Тималы, но ловъя колис, кöть и кок пöла. Но киясыс öд дзоньвидзаöсь, и юрас абу нитш. Сьöкыд, дерт, но колö кыдзкö овны, вöчны вермана удж, отсавны семьяыcлы.
   Гозъялöн Нина (бригадир) да Анфиса нывъясыс видз вылынöсь жö. Томджыкыс, Лиза, уджалö колхозлöн яслиын. Меддзоляыс, Опонь, волывлö батьыс да чойяс дорö.

0

2

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

Cтрадуйтысьяс уджалiсны водз асывcянь сер рытöдз. Корсюрö шондi петтöдз на бригадир чуксавлiс: чеччöй, пальöдчöй! Кымöртчö! Сы мында турун вермас кöтасьны. Кос туруныд кöтасяс кö бöр ковмас разöдны, тöлöдны-косьтыны, куртны да юравны мöд пöрйö. И пöтöcлуныc чинö туруныcлöн.
   - Öдйöджык, öдйöджык! - тэрмбдлö бригадир. - Илля лунö шойччам.
   Крестьянаыд некор эз зiльлыны Илля лунад. Праздник лунад уджалöмтö пö Енмыс грек вöчöмöн лыддьö, вермас и мыждыны чорыда. Вöлöма пö cэтшöмтор. Öти зiль семьялöн уна турун юр öкмöма видз вылас да гозъя мöвпыштасны зорöдавны, мед эз веськав зэр улö. Илля лунад öд асывнас кö абу кымöра, рытладорыс дзик нин зэрас гымöн-чардöн, овлö, и ыджыд тöлöн. Прамöй ыджыд зорöд вöчасны зiль семьяыд.
   - Ми эг дышöдчöй да, со бура уна кос турун лои, - радлöны гозъя. - А кодсюрöлöн кöтасяс.
Войтырыд эз на удитны мунны видз вывcьыс, зэрмис зэв ёна да первойя гымыштiгac гымньöв лыйис зорöдас.
   - Кос туруныд тай öдйö и тшынйыв кайис, - шогö усис кöзяйкаыc.
   - Бур нин, асьным ловйöн колим да, - шöб верöсыс. – Тэ чуксалан вöлi челядьтö зорöд улас сайöдчыны зэрсьыс.
   Война кадö Илля лунад колхозлöн ылi видзьяс вылын уджавicны пажынöдз, сы бöрын вотчылiны. Дерт, эз видзснь матын. Юпöлöнса быд куст и вöр пöлöнcö уна пöрйö нин шаркöдiны ытшкиг-куртiгас шойччигмозыс. Вöрас, майбыр, уна сикас вотöc да тшак быдмö, век нин сеян содтöд. Но лунтыр уджалöм бöрын мудзöм тшыг войтырыд гежöда вермисны ветлыны вöрад.
   Öти вотчись вошлiс вотчигас. Шондi лэччöм бöрын нин воис чом дорö ёна мудз да бöрдöм чужöма.
   - Кöнi шöйтанта та дырасö? - броткö Васька Степан. – Рок порцияыд важöн кöдзалiс.
   - Ылöдз мунсьöма да шондi саялöм бöрад ог и тöд, кодарö колö веськöдчыны. Ковмас, мися, вöрас узьмöдчыны.
   - Мед и узин с сэнi, ном вомö öд он тор. Нитшкыс небыдджык тэнад эжöр вольпасьысь. Аски öд шондаыc бара на петас, оз кö ло кымбра.
   - Ошкыс да кöиныc нö?
   - Сёяс кодкö тэнö, пöрысь кос мерлинаöс, - эльтчö пусьысь, - Колантор кодлыкö.

   Вотчöны Илля лунö бабаяс и нывъяс. Чунь помъясныc и вом доръясные лöзöдöма нин чöд да чöдлач сёйöмысь. Вотöсъясысь öтдор позьö cёйны öткымын тшак. Виж уртшаклысь вылыс кучиксö кульыштан да позьö cёйны. Солыштöмöн кö, нöшта на чöcкыдджык. Гöрд ур-тшакыс курыд.
   Зон челядь купайтчöны, вуграсьöны. Оз кö кут дэбöдны чериыc, вотчыны жö мунöны.
Олöмаяс чери кыйöны тывъяеöн, ботанъясöн. Озырöсь Вöль-матушкаыс да юпöлöнса тыясыс уна сикас чериöн: сын, сиг, ком, сир, ёкыш, наöлим и мукöд посниджыкъясыс. Рöдмöмаöсь война кадö кыйтöгыд. Гежöдика шедлö и черлядь. Чимилöн бузгысьöмысь нывъяс чилöcтлöны повзьöмысла.
   - Талун ытшкигбн васаыд бара повзьöдiс, - рытнас висьталö öти ныв. - Тöрыт гум
корсигöн сэнi жö бузъялic.
   - Сэтшöм местаяссö колö пö ылiтi ордйыны, - шмонитöны старикъяс. - Васаясыд оз радейтны йöзыдлысь сюйсьöмтö асланыc оланiнö. Найö вермасны киöдыд кватитны ватö
гумовтiгöн.
   Радлöны старикъяс: регыд бара на позяс кыбны петавны. Илля лун бöрад Вöль ваыс лоö сöcтöмджык, войясыс кузьджыкöсь и пемыдджыкöсь. Сирöд мыръяс чукöртöма, кöза-азьлас лöсьöдöма.
   Сиктса йöз важысянь кыйсьывлiсны кулöм-ботанъясöн, тывъясöн забоитчöмöн, азьлаcöн. Кыйдöснад некор эз ошйысьлыны. Но чимиыд кö шедас, быть нин петкöдласны асланыc челядьлы: со öд кутшöм "васаыд", сэтшöм мича чери. A Ti, йöюкъяс, поланныд.

0

3

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

Рытнас ("праздничнöй" ужин бöрын) бабаяс и нывъяс сьывны босьтчöны. Сьылöны коми и роч сьыланкывъяс, важъясöc и выльясöс - война кадсясö. Зэв сьöлöмcяньныc сьылöны Нёбдiнса Витторлысь сьыланкывъяс, кöть и тöдöны, мый запретитöма. Оз позь весиг нимсö казьтыштны енбиа мортыслысь (войнад та ылнаад некутшöм чина морт оз лок öвад пöвcтад).
   Бабаяслон медся радейтана сьыланкывъяс пиын медся донаыc "Джуджыд керöсын, гажа нöрысын..." Виччысьöны бабаяс верöсъяссö, вокъяссö, пиянсö. Виччысьöны и дöваяс, кöть уна синва нин кисьтöма "похоронкаяс" вобм бöрын. Овлö пö тай сорсьöмыс: лёк юöр воöм бöрын мыйкö дыра мысти письмö воас верöcсяньыс - ловъя! Коркö сэсся и ачыс воас гортас. Чорыда ранитчöм бöрын дыр куйлöны госпитальын (либо мукöд помка вöcна, мыйыс öд вермас лоны война вылад). Дона мортыд ки пöла, кöть кок пола, крепыд мыджöд семьяыcлы, век нин кутшöмкö вермана удж вöчас кöть нин ас овмöсын.
   Виччысьöны и нывъяс жöникъяслысь воöм. Но дыр на оз локны. 17-19 арöcöн мунöмъяс зтшаöн, зэв этшаöн воасны гортаныc. Унджыкыс кыз му улын куйлан кольöны йöз муын, гортсяньыс зэв ылын. Уна нывлы оз вичмы шудыс лоны гöтырöн. Томъясыд, дерт, быдтысясны, но унджыкыс верöстöг.
   Сьылöны бабаяс, томъяс и пöрысьяс. Сьылöны нывъяс. Ставные зэв сьöлöмсяньыс сьылöны. Куимлöн торъялöны гöлöсъясныc - Миколай Иларъялöн да Тима Анфисалöн. Томъясыдлöн, гашкö, вывтiджык лэчыдöcь. А Прокö Лапиралöн гöлöсыс! И быд сьыланкывйын аслыснога мыла да мича.
   Сьылöны, кöть абу гудок, гитара ни балалайка. Кöть эз вöв ёна чöcкыд ужиныc. Эз юны чужва ырöш ни тагья сур, самöкур ни еджыд вина. Винатöгыс сьöлöмъясныc ку-дöма тшыгъялöмысь, сьöкыд уджъясысь, омöль паськöмöн кынмалöмъясысь, сиркурыд шогъясысь. Сьылöны, кöть уналöн доршасьö синваыc. Но гораа бöрддзыны оз позь, некыдз оз позь! Сэк торксяс оз cöмын сьылöмыс. Торкöма лоö став бурас эскöмсö, олöм бурмöм вылö став лачасö.
   Сьылöны бабаяс, томъяс и пöрысьяс, сьылöны нывъяс. Ставныc зэв сьöлöмсяньыс сьылöны видзьяс вылын быд гожöмын Илля рытъясö война чöжыс и война бöрас.
   Пукалöны, кывзöны сьылöмсö мужикъяс, пöрысьяс и томджыкъяс. Тайö война вылысь локтöмъяс и пöрысьла нин ветлытöмъяс, томиник зонъяс да челядь. Мужикъяс юрныcö копыртöмöн, гашкö, синвасö дзебöны. Быдöнлы тöдвылас усьлöны война кадся сьöкыд да страшнöй здукъяс, кор нин он чайтлы асьтö кольны ловйöн. Кодсюрöлöн сьöраныc на войналöн "козиныс" - осколок либо пуля.
   Чöв усьöма вöрыс и ваыc, кывзöны жö, дерт. Ылöдз кылöны Вöль пöлöнcа видзьяс
вылын нора сьылöм шыясыс.
* * *

   Помасис Великой Отечественной война. Победа! Сиктса йöз надейтчисны, мый олöмыс регыдöн вежсяс бурланьö. Но позянаö тайö татшöм ыджыд война 6öрын? И вöлi-ö cэтшöм кöсйöмыс Сталинлöн да мукöд гырысь чиналöн? Зэв этшаöн воисны гортаные война выв-сянь. И на пиысь унджыкыс инвалидъяс да пöрысьяс. Томъяеöс кольöдiсны на служитны армияын. 1926 воын чужлöмъяслы ковмис 6-7 во новлыны салдатскöй паськöм. Некымынысь ранитчылöм куим том мортöc водзджык лэдзисны армияысь, но найö пышйисны вöрпунктъясö. 40-45 арöсаяс, кодъяс сяммисны, ciдз-жö мунicны семьянаныc. Вöр лэдзöмыд абу кокни удж, но сэнi вештысисны деньгаöн.

ВАСЬ БОРИС
(Борис Васильевич
Уляшев)

0

Страница: 1

Вы здесь » Бадьёльйывсаяс - Бадьёльские » Борис Васильевич Уляшев » ВИДЗЪЯС ВЫЛЫН ЮРГИС НОР СЬЫЛАН