Бадьёльйывсаяс - Бадьёльские

Информация о пользователе

Привет, Гость! Войдите или зарегистрируйтесь.

Вы здесь » Бадьёльйывсаяс - Бадьёльские » Коми кыв. Коми язык. » КОМИ КЫВЙЫС ГАЖАДЖЫК НА БИЫСЬ

КОМИ КЫВЙЫС ГАЖАДЖЫК НА БИЫСЬ

Страница: 1

Сообщений 1 страница 15 из 15

1

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

Е.А.Игушев
КОМИ КЫВЙЫС ГАЖАДЖЫК НА БИЫСЬ

Бурджык гашкö вöлi, рочöн кö ме чужи:
Кытöн гажöй олi, ышнясьнытö кужи.
А ме коми сиктысь коми аньлöн пиыс,
И мен коми кывйыс гажаджык на биысь.
Г.Юшков

Кыв вежöртасъяслöн сöвмöм-вежсьöм.

   Коми сёрнисикасъяс мöда-мöдсьыныс торъялöны сiйöн, мый öтмоз юргысь кывъяслöн вежöртасныс абу öткодь.
   Шуам, емваса сёрнисикасын койыштны кадакывлы лöсялö мукöд сёрнисикасъясын - шыбитны. Эжва горулын да Удораын быдмыны пыдди шуöны туны, тайö кывнас мукöд сёрнисикасын нимтöны юын валысь содöм.
   Литературной кывса вöчны кадакывлы изьватас сёрниын лöсялö вочны, сöмын вежöртасыс сылöн векньыдджык: мыйкö дöмны, дзоньтавны, ремонтируйтны.
   Татшöм жö торъялöмъяс ми казялам, кутам кö öткодявны коми торъякывъяс рöдвуж финн-угор йöз сёрниысь босьтöм кывъяскöд: комиын да удмуртын варышöс нимтöны öтмоз, варыш кывлы юрганног боксянь матын финн: varis, эрзя, мордва: варака, мокша мордва: варси кодъясöн нимтöны ракаöс, но мари кывйын - варыш - варыш вежöртас жö кутö.
   Комиын юлысь, шорлысь, ёльлысь ва ляпкалöмсö нимтам ямöмöн. Мордва ног, ёмамс - вошны, кувны, бырны; мари ног, ямаш - ылавны, бырны. Ми аддзам, мый комиöн ямны шуам сöмын ва йылысь, тайö кадакывлöн вежöртасыс векняммöма, рöдвуж кывъясын сiйö паськыдджык, сэнi морт йылысь, ловъя лов йылысь позьö юöртны тайö ямны кывлы юрганног боксянь матын кадакывйöн.
   Коми лысьтыны кывлы весьтас сулалö мари сёрниын луштас, финнын - lypsaa, но мордва мокшаын ловсöо да мордва эрзяын - лофца кывйöн нимтöны оз лысьтöм, а йöв. Дерт, ми сöмын йöв лысьтöм йылысь шуам лысьтыны кадакывйöн. Комиын да мариын действие - керöм-вöчöм петкöдлöмлы мордва йöз сёрниын весьтас сулалö объект, лысьтöмсьыс артмöмтор петкöдлöм. Коми йöв кыв артмöма важöн нин. Но сэки абу на тöдлöмаöсь мöсъястö, йöвнас нимтылöмаöсь быдмöгъяслысь еджыд соксö, финн ног быдмöг сокыс - jelse. Лэч либö капкaн, лэбач-пемöслы пуктöм, комиын нимтам октыны кывйöн, а эрзя мордваын -афтума, мокша мордваын -афтома, мари ног -опташ, абу кадакыв, а эмакыв, сiйö нимтö лэч, вöв сиысь вöчöм лэч. Коми сёрнисикасъясын: Изьва вожын, Эжва йылын, Емваын паныдасьлö вальды кыв, сiйöн нимтöны алебастр, еджыд рöма сёй пызь сяма вещество. Эрзя мордва: вальдо, мокша: вальда, мари: вальгыды, финн: valkoinen кывъяс кутöны вежöртас -югыд. Коми сёрнисикасъясын ми аддзам важъя öтувъя кыввуж вежöртаслысь векняммöм. Торъякывъяс вежöртасныслöн разалöмыс (векняммöмныс, паськалöмныс) юöртö йöзкостса кыв сöвмöм йылысь, сы йылысь мый быдвойтырлöн сёрниыс вочасöн вежсьö, и тайö вежсьöмыс мунö асланыс туйöд.

0

2

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

Коми "морт" - удмурт "мурт"

   Финн-угор кывъяс медъёна торъялöны мöда-мöдсьыныс гласной шыясöн, кодъяс вылö тöдчöны орччöн сулалысь согласнöйяс. Историялысь кузь вöлöк вуджöм бöрын öтласа важъя гласнöйяс пиысь медся зумыдöн кольöма вом дорöн артмысь -у, кодi сулалö кыв водзын. Откодялам:
              коми           удмурт           финн           мордва           мари           хант           манси
               уйны            уяны              uida             уемс                -                -                 -           
               ун               умме               uni              он                   -                -                 -
               пурны          пурыны           purra            парнемс        пураш          пурты        пурункве
               пу               пу                  puu                  —             пу                 -                 -
   Мукöд гласнöй шыыс ёна вежсьöма. Шуам, подув кывйын вöвлöм э-лы öнiя финн-угор кывъясын лöсялöны э, и, ы, а; комиын - о; удмуртын -у;
              коми           удмурт           финн           мари           венгр
               олöм            улэм             elama          илыш           elet
               поз              пуз (кар)        pesa           пыжаш        feszek
               сёйны        сиськыны       syöda              -               enni
   Гласнöй.шыяслысь вежсьöмнысö кокньыда казялан коми да удмурт кывъяс öткодялiгöн. Профессор В.И. Лыткин чайтбм серти, комиыд удмурткöд овлöма öтчукöрын да сёрнитлöма öтласа кывйöн миян эраса VII нэмöдз, булгаръяслöн Кама вылö вотöдз.
   Коми морт вермö весиг гöгöрвоны удмуртöс, сэтшöм уна налöн сёрнианыс öткодьлуныс.
   Босьтам кöть удмурт йöзкостса сьыланкывйысь юкöн:
   -Кинъёс, кинъёс, кинъёс, кинъёс лыктiллям?
   -Ватка нылъёс, Ватка нылъёс лыктiллям.
   -Kытi, кытi, кытi, кытi лыктiллям?
   -Чупчи кузя, Чупчи кузя лыктiллям.
   Тайö сьыланкывйыс гöгöрвоана комиöдтöг: "локтöмаöсь" пыдди "лыктiлялiм", "нывъяс" пыдди "нылъёс", "кодi' пыдди "кин", кыдзи и Луз-Летка вожын, Сыктыв йылын: Ватка да Чупчи - удмурт ю нимъяс.
   Удмурт кывйын коми о -лы лöсялö у:
               дон - дун
               морт - мурт
               кок - кух
               шор - шур
   Коми ö -лы весьтас сулалö о: гöрд - горд, гöг - гогы, пöрт - порт шöрт - шорт.
   Коми э -лы - бара ö о: зэрны - зорыны петны - потыны седгны - сётыны.
   Бöръя слогъясын коми ö пыдди удмурт шуö э, кыдзи Изьватас да Эжва йывса:
               мунö - мынэ
               локтö - лыктэ
               узьö - изе
   Удмурт кывйын первой слогса гласнöйясыс воштöмаöсь лабильностьнысö (оз артмыны вом доръяс гöгрöстöмöн), кывйыс кö уна слога. Тайö артмис сы вöсна, мый удмурт кыв вылö ёна тöдчис татара кыв, удмуртъяс вит нэм чöж вöлiны татара киподулын - Казанской ханствоын. А татара кывйын ударениеыс век усьö бöръя слог вылас. воддза слогас гласнöйыс лоö ударениетöм, воштö лабиальностьсö: вом доръяс оз ёна зэлавны ударениетöг шуигад! Татара кывйын кыв водзын оз вермы сулавны р шы, сы пыдди шубны дж, дз, та вöсна и удмуртъяс оз шуны р -сö кыв водзаныс.
              коми             удмурт
               рок                 джук
               рой                 джуй
               роч                 дзуч
               руч                 дзичы
   Мукöддырйи коми гора согласнöйлы удмуртын  весьтас сулалö
гортöм:
              коми            удмурт
               гоз                  куз
               гут                  кут
               дзик                чик
   Комилöн удмурткöд öтлаын олiганыс (öтлаcа перым кадö) öнiя серти кывйын гласнöй шыыс вöлöма унджык, о -ыс вöлöма кык сикас : пöдса o да восьса о. Öнi на Сыктыв йывса коми войтыр Койгорт районын торйодöны тайö кык сикас о -сö. Пöдса o сэнi шуöны вомнысö векньыда восьтлöмöн, быттьö у: пон "собака" пыдди шуöны пон (пöдса o), а пон "конец" (восьса о)
   Мукöд коми сёрнисикасъясын, литературной кывйын кык сикас о-ысь лоис öти о, та вöсна сэнi омонимъяслöн лыдыс содic. Шуам: сёй -"ешь" и "глина", оз - "земляника" и "он не".
   Удмурт кывйын пöдса да восьса о-яслöн бырöмыс йитчöма мöд лоöмторкöд. Öтласа перым кадся пöдса o-ысь сэнi артмöма уа дифтонг (кык гласной шы), а восьса о-ысь лоöма у.
   Тайöс позьö казявны Сыктыв йывса сёрнисикасысь пöдса о кутысь кывъяс удмурт кывъяскöд орччöдалiгöн:
                             Сыктыв йывса                       удмурт
пöдса o:         коньöр                                куанер
                              косьмыны                            куасьмыны
                              комын                                 куамын
                              кор                                     куар
                              гор                                     куара
восьса о:        корны                                 курыны
                              дорны                                  дурыны
                              дорын                                  дурын
                              шор                                     шур (ю)
   Корсюрö удмурт уа дифтонглы комиын весьтас сулалö кык шы -ва, у гласнöйлы лöсялö в согласной (кыкнанныс найö артмöны вом доръяс отсöгöн), шуам: удмурт "куать" - коми "квайт" (сёрнисикасъясын; квать). Öткодялöй: рöдвуж финн-угор кывъясын некöн оз паныдась в шыыс: ф. "kuute", мд. "кота", мари "куд", ханты "kut", манси "hoot", венгр "hat".
   Босьтам "рака" кыв, удмуртын сылы весьтас сулалö "куака", коми сёрнисикасын бара жö удмурт у-лы тайö кывъяс лöсялö в : удораса "кваркан", емваса "кравкан", изьватас "куваркан".
Ми аддзам, мый сёрни шыясöн вöдитчöмын финн-угор кывъясын эмöсь асланыс законъяс, и тайö синмö шыбитчö коми да удмурт кывъяс орччöдалöмын.

0

3

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

Кывбур

   Тайö кывйыс тöдcа школаын велöдчысьяслы, гижысь войтырлы. Ciйöн паcйöны рифмаа сёрни, рифмаалöм гижöд.
   Но мыйлакö кывйыс кажитчö виччысьтöмöнджык. Ciйöс быттьö кодöнкö лöсьöдöма сiдзи, кыдзи грамматикаысь мукöд термин: кывбöр, кывсикас, кывдiн да св.
   Суффиксъяс отсöгöн пöшти быд коми кывйысь позьö артмöдны выль кывъяс да кывсикасъяс Шуам, гöр эмакывйысь артмö: гöрны, гöрысь, гöран, гöртöм (му), гöравны, гöрсьыны, гöрыштны, гöрлывлыны да св.
   Босьтам кö рочысь пырöм трактор эмакыв, сыысь огö вермöй артмöдны коми суффикcöн ни öти выль кыв. Тайö и гöгöрвоана. Öд тракторыд миянлы лои тöдса выльöн на, нэм джын сайын кымын. Öнöдз öд ми ciйос ог лыддьöй ас кывйöн.
   Тадзи жö, вöлöмкö, кывбур кыввужйысь огö вермöй артмöдны выль кывсикасъяс. Ми ог шуöй некор: кывбурасьны, кывбурыштны, кывбурöдны да св. Татшöм нога кывъясыс оз кужны тайö эмакывсьыс. Сiдзкö, кывбур кыв комиын сулалö мукöдысь торйöн, öтдортчöмöн.
   Комиö кывбур кывлöн вужъясьöмыс йитчöма Илля Вась нимкöд. Мöскуаса университетын велöдчигас, 1922- 1926 воясö, Илля Вась ёртасьлöма удмурт студентъяскöд, кодъяс пиысь унаöн лоисны гижысьясöн, учёнöйясöн. Торйöн бура лöсявлöма сiйö удмурт поэт Кузебай Гердкöд, кодöс бöрвыв, кыдзи и мукöд вежöра водзмöстчысь йöзöс, cicьтiсны Соловецкöй дiвывса дзескыдiнын, абутöм мыжысь, "войтырлы лёк вöчысьлысь" ним кöвъялöмöн.
   Илля Васьлы воöма сьöлöм вылас удмуртъяслöн кылбур кывйыс, кодöн найö нимтöны рифмаалöм гижöда сёрни.
   Тайö терминыслöн кыкнан юкöныс комилы гöгöрвоана. Удмурт кывйын кыв пыдди шуöны кыл, бур кывлöн вежöртасыс вушйысьöма, тайö юкöныс эмакывъясын мунö суфикс пыдди, кыдзи комиын ми вöдитчам лун кывйöн суффикс пыдди мичлун, мелiлун да мукöд татшöм кывъясын.
   А ачыс "бур" вежöртасыс удмурт сёрниын петкöдлыссьö дзеч кывйöн. Удмуртъяслöн тайö бур суффиксыс тыдовтчö татшöм кывъясын, кыдзи дзечбур - видза олан, ваньбур - эмбур, озырлун, овмöс. Удмурт вань кывлы комиын весьтас сулалö эм кыв.
   Татшöм ногöн артмöма и кылбур кыв, кöнi "бур" юкöныс мунö суффикс пыдди.
   Удмурт сёрниын тайб кывйыс чужбма важöн нин, сыысь суффиксъясöн кокниа артмöдöны выль кывъяс, выль кывсикасъяс. Удмурта-роча кывкудйö, кодi петалic Мöскуаын 1983 воö, пыртöма кылбур кыввужйысь артмöдöм кöкъямыс кыв:
               кылбурчи - поэт
               кылбураны - 1. бöрдöдны лыддьöдлöмöн, бöрдны;
                                 2. серпасалбмбн висьтавны, сёрнитны серпаса кывйон;
               кылбурам - лыддьöдлöмöн бöрдöм;
               кыл буран - бöрдöдчöм, бöрдöдöм;
               кылбуралляны - бöрдöдлывлыны;
               кылбураллян - бöрдöдлöм;
               кылбурась - 1. бöрдöдысь;
                                 2. гижысь, серпаса гижöд лöсьöдысь.
   Сiдзкö, Илля Васьыд озырмöдic литературнöй коми кывнымöс тшöтш и рифмаа гижöда-сёрнилы кывбур ним сетöмöн. Кöть тайö кывсö лои пыртöма матicа рöдвуж сёрниысь - удмурт кывйысь, - сiйö юргö зэв коми ногöн.

0

4

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

Лаймавны.

   Тайö кывйыс торъялö мукöдcьыс артманногöн. Öд кызвын коми кадакыв артмö -ав, -яв суффикcöн ним либо признак тöдчöдысь кыввужйысь. Шуам: гор - горавны, ком - кöмавны, лым - лымъявны, нюм - нюмъявны, пöcь - пöcявны да св.
   А лаймавны кадакывлысь кыввужcö торйöдны он вермы, "лайм" кыв комиын абу.
   "Лаймавны" - öнi ёнджыка вöдитчöны Удораын, Эжва горулын, Емва да Изьва вожъясын, Печора да Уса бокъясын, кöнi олö изьватас. Сiйöн серпасалöны ланьтöм, лöньöм, вочаcöн дугдöм. Найö шуöны: лаймалö шоныдыс (шондiыс пуксигöн), лаймалö пачыс (ваймигас), тöв лаймалö (дугдö пöльтöмыс).
   Удораын лаймалöмöн тшöтш нимтöны омöльтчöм, этшаммöм, бырöм, чинöмic. Вокъясным куланы да, чистö лаймамис овмöсныс (тайö сёрникузясö вайöдöма коми диалектъяслöн сравнительнöй словарын, комиöн кö: сёрнисикасъяс öткодялан кывкудйын, Сыктывкар, 1961 во).
   "Лаймавны" пырöма . и литературной кывйö. Комиа-роча кывкудйын (Моска, 1961 во) сылысь торйöдöны кык вежöртас:
     1. лöньны пöжарлы, бипурлы;
     2. усьны жарлы, шоныдлы.
   Кыдзи тыдовтчö, рытыввыв да войвыв коми сёрнисикасъясын "лаймавны" кывлöн вежöртасыс унджык, паськыдджык литературнöй серти.
   Миян рытыввывса соседъяслöн - финнъяслöн, карелъяслöн, вепсъяслöн сёрнианыc паныдасьлö "лайми" эмакыв, кодi гöгöрвоöдö саридз веркöсысь лöнин. "Лаймеа" кадакывйöн финнъяс нимтöны тöвлысь лöньöм, ва веркöс гыалöмысь дугдöм, сёянлысь, пöcь сурлысь ыркалöм, кöдзалöм. "Лаймета" кывйыс сэнi тöдчöдö тшöктана вöчöм -лöньöдöм, лöньöдны кагаöс бöрдöмысь. Лайметаöн (комиöн кö -лаймöдöмöн) финнъяс шуöны мыйкö вöчтöг кольны, помавтöг кутшöмкö удж эновтны, видзны кутшöмкö кöлуй вöдитчытöг.
   Карелъяс кывйын лайм, лаймо эмакывъясöн нимтöны ю вылысь лöнин, ю вылын быдмысь турун пöветысь турунтöмин, кытчö тöлыс оз веськав, та вöcна сэнi абу гыа да позьö вуграсьны.
   Лаймоöн жö карелъяс да вепсъяс нимтöны йизьбм ва дорысь восьсаин, кöнi ваыc абу вевттьысьöма йиöн.
   Ми аддзам, мый рытыввывса соседъяс сёрниын лаймавны вежöртаса кадакыв артмöма лайми, лайм, лаймо эмакыввужйысь, кодöн нимтöны лöнин. "Лаймавны" кадакывйöн сэнi висьталöны унджыктор йылысь. Тайö кывйыслöн артманногыс гöгöрвоана: лайми да лаймета быттьö олöны ас гортаныc, налöн вежöртасыс да тэчасногыс - ясыд.
   Рытыв да войвыв коми сёрнисикасъясö тайö кывйыc веськалöма рытыввывса соседъяссянь, сюрc во сайын на, кор накöд коми войтыр волысьлöмаöсь. Сэки карелъяс, вепсъяс, финнъяс овлöмаöсь паськыда: Балтика саридз дорсянь Пинега, Вашка, Эжва, Емва вожъясöдз. Сiйö кадö войвывса коми сёрнисикасъясö пырöмаöсь вепс, карел, финн сёрниысь кывъяс: агас (пиня), кега (турун юр), сабри (зорбд), тагöс (порог) да св.
   Коми да карел-вепс костын йитöдъяс йылысь гижлicны венгерскöй академик Лако Дьёрдь, коми профессор В.И.Лыткин, филологияса доктор А.И.Туркин. Найö корсисны 60 сайö кыв, кодъяс пырöмаöсь комиö рытыввывса рöдвуж сёрниысь. Весиг роч кывъяс печь да тётя карел да вепс сёрни пыр веськалöмаöсь комиö, кыдзи пач, тьöт. Кöть и важöнкодь нин олö комиын "лаймавны" кадакывйыс, но сiйö петкöдчö миянлы бокöвöйöн, чужöмбаннас торъялö мукöд коми кывъясысь. Вöлöмкö, сылöн рöдвужыс мöдлаын, карел, вепс, финн войтыр сёрниын.

____________________________

 
«лаймалö шоныдыс (шондiыс пуксигöн), лаймалö пачыс (ваймигас), тöв лаймалö (дугдö пöльтöмыс).»
   - Миян шуöнны ваймö: ваймö бипур, ваймö овмöс (сiсьмö вочасöн овтöм керка-карта), ваймöдны пач (öгырсö гудралiгмоз, виччысьны_ кор кусас биыс да позяс сиптыны).
   «Лаймалö шоныдыс», «тöв ваймö» - эг некор кывлы. Шулöны: «Тöв лöньö, ляпсалö».

0

5

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

Ляшкыны.

   Тайö кывcö ми аддзам Иван Куратов гижöдъясысь, шуам "Кыдз октябрлы колö лоны" кывбурысь:
                                   Ылын тыдалö со битор:
                                   Тайö ляшкö кашкигöн
                                   Пöрысь мамыc cэтшöм сёрöн
                                   Лавкаланьыс пöнарöн.
   Коми сёрнисикасъяс кывкудйö ляшкыны кыв абу пыртöмаöсь, сэнi эмöсь сылы матын юрганног боксянь да вежöртас сертиые татшöм кывъяс, кодъяс тöдчöдöны ньöжйöникöн ветлöдлыны: ляшъялны (Луз-Летка вожысь), ляшымтыны (Удораса сиктъясын), ляшиктыны (Сыктыв вожын), ляшcеднi (Эжва йылын).
   "Ляшкыны" кывcö И.Куратов артмöдö ляшъялны, ляшымтыны, ляшиктыны, ляшcеднi кадакывъяс кыввужйысь -к суффикcöн, кыдзи ми артмöдам уп! да гып! междаметиеясысь упкыны, гыпкыны кадакывъяс. Ляшкыны кывйыс мукöд сертиыc дженьыдджык öти слогöн, тайö отсалö поэтлы видзтыны кывбур визяс слог лыдсö. Орччöн сулалысь кывъяскöд йитöдысь "ляшкыны" кадакывлöн вежöртасыс лыддьысьысьлы петкöдчö гöгрвоанаöнö «Пöрысь мам, кашкигöн, сёрöн, пöнарöн» кывъяс отсалöны сувтöдны миян син водзö серпас: пöрысь ань мунö надзöникöн, видзчысьöмöн тувччалö пемыдас, кок увсö югдöдö дзузган пöнар биöн, медым абу джöмдыны да усьны арся сиктса няйтö, ачыс лов тырöмысла кашкö.
   Карел войтыр сёрниысь комиö веськалöм кывъяс видлалiгöн Илля Вась вöдитчö татшöм кывъясöн: оллявны - пельпoм вылö лэдзчысьöмöн бöрдöдны мортöс (верöc сайö петысь нылöc, рекрутöc салдатö мунысь зонмöс). Тайö кывлысь вужcö ciйö аддзö карел olka (ollan) - пельпом нимтысь кывйысь; петлö (дугдöй, энö ылöдчöй) вежöртаса кывлысь вужcö торйöдö карел pettaa - ылöдчыны кывйысь; пач - patsi -ысь.
   Ляшкыны, ляшъялны, ляшымтыны, ляшыктыны, ляшседны кадакывъяс ciдзжö позьö лыддьыны карел сёрниысь босьтöм lahtea (мунны вежöртаса) кывйысь, cöмын кыввуж дiнас содтысьöмаöсь коми суффиксъяс: -ял; -ымты; -икты; -сед!
Мукöд карелизмъяс моз жö ciйö веськалöма рытыв-войвыв коми сёрнисикасъясö карел - вепсъяскöд VIII-XIV нэмъясö волысигöн. Сёрни шыяс боксяньыс lahtea да ляшкыны кывъяс лöcялöны. Коми ш -лы карел да финн сёрниын векджык сулалö h (x). Шуам:
               коми                       карел (финн)
               шыр                        hiiri     (хиири)
               шы (копьё)             hije     (хие)
               шом                         hiili     (хиили)
               рышкыд                  rahkea (рахкеа)
   Иван Куратов кывбурын ляшкыны кыв коланаинын. Ciйö артмöдö пытшкöcса рифма кашкигöн кывлы.
   Ляшкыны кыв формаöн поэт дженьыда да яръюгыда серпасалö аслас кадся коми сиктлысь рытъя ывлавывcö.

____________________________

 
   Миянног – лашкыны, лашъявны, лашсьöдны, лашиктыны. И лашкö кывсö шулöны жö: «Кодi, меся и лашкö чой паныдыс-а!»
   Вермас лоны тайö кывйыс – коми. Шыысь артмöм (кыдзи и шлапсьöдны; шарксьöдны - öдйö мунны; тотшсьöдны – каблукöн пу джоджöд). Водзын кöтiнад куш му вывтiыд мунiгöн шыыс вöлi сэтшöм – луш-лаш.

0

6

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

Кодлы дышöдчöмыс велодчöм?

   Коми да удмурт кывъяс зэв матынöсь мöда-мöдныc дiнö, но сэнi паныдасьлöны öтмоз юргысь кывъяс, кодъяслöн вежортасныс - паныд сулалана.
   Босьтам дыш кыв.
   Финн, карел, эст, вепс, лив, ижора, водь сёрниын дышöдчöм нимтöны laiska - кыввужйöн, кодi пырöма тайö войтыр сёрниö латышъяссянь. Латыш ног дышыс - laisks.
   Мордва мокша ног дышлун - нолаши, а эрзя мордва ног - нузяксчи. Мордва кывъясын - ни да -ши суффиксъяс артмöмаöсь кытш вежöртаса кывйысь, кодöн нимтöмаöсь шондi да лун (шондiыc гöгрöс, кытш кодь, а луныc овлö сэк, кор шондiыc югдöдö!)
   Дышлун кывйын кыввужйыс быд финн - угор войтыр сёрниын шусьö оз öтмоз:
               мари ног - його (MSS)
               ханты ног - шек (ХРРХ)
               манси ног - сав (МРРМ)
               венгр ног - lusta (лушта)
   Весиг комилы медся матыcса кывйын удмурт сёрниын дыш пыдди шуöны азьтем, дышöдчыны пыдди - азьтемаськыны, дышмыны пыдди -азьтеммыны.
   Удмурт сёрниын эмäсь Кывъяс, кодъяслäн юрганногыс зэв матын коми "дыш" кыв дiнö:
               дышем - велалöм, кужанлун;
               дышеткькыны - велöдчыны;
               дышетон - велöдчöм;   .
               дышетон корка - велöдчан керка;
               дышетскымтэ - велöдчытöм;
               дышетскись - велöдчысь;
               дышетыны - велöдны;
               дышетicь - велöдчысь;
               дышетicьныл - учительнича;
               дышмен - пöрысь ныв;
               дышон - велалöм;
               дышыны - велавны, кужны мыйкö вöчны (УРС). Тайö кывйыс тшöкыда паныдасьлö шусьöгъясын:
   Дышетскем мурт - синмо мурт - велодчöм морт - синма морт.
   Дышетскем нянь уг куры - велöдчöмыд нянь оз кор.
   Адямиэз уд дышет, гондырез дышетод - мортöс он велöд, ошкöс велöдан-а.
   Кыдзи тыдовтчö, удмурт сёрниын дышыны - кадакыв, сыöн тöдчöдöны велалöм, мыйкö вöчны кужöм. И тайö кадакывсьыс артмöмаöсь причастие, деепричастие, эмакыв ошкана вежöртасаöсь: велöдчöм, велöдчысь...
   Весиг пöрысь ныв удмурт сёрниын гöгöрвосьö кыдзи нылавны велалöм ань.
   Удмурт воксьыс торъялöм бöрын комиыд "дыш" кыввужъя кывнас кутöма нимтыны абу быд сикас велалöм, а сöмын кыкирудз пукавны велалöм, водзö мунтöг овны велалöм, öтилаын пукавны зiльöм -водзмöстчытöг олöм. Татшöм сикас оласног коми йöз вежöрын оз ошкысь.
   "Дыш" кыв талунъя коми сёрниын кутö дивитана рöм.
   В.И. Лыткин редакция улын (Мöскуа, 1961) лэдзöм комиа-роча кывкудын "дыш" кывлöн пасйыссьö 10 вежöртас, и ставыс зывöктан рöма:
дыш вöрзяс (ветласног йылысь), дышöн кывсьö, сiйö дышсьыс дыш, дышпон, дыш рутей, дышпоз, дышпырысь...
   Юрьё Вихман кывкудйын (Хельсинки, 1942) "дыш" кывлы сеталöма торъя паспорт: дыша, изьватас: дышаа, удора: дышпас, дышöдчöм, перым коми: дышöв, удора: дышыд, дышмыны...
   Давид Р.Фокош-Фукс коми кывкудйын (Будапешт, 1959) вайöдсьöны фразеологизмъяс, кöнi эмöсь "дыш" нимтысь кывъяс:
Дышлы ды каньлы олöм, казаклы дышöдас налысь корöм кывзыны; эн ветлы дышпоннад; дыш куль, дыш вурдысь...
   Коми торъявлöма удмурт воксьыс сюрc во сайö нин. И тайö кадколастас кывъяслöн олöмыс мунöма торъя ордымъясöд. Ciйö тыдовтчö "дыш" кывйö пырöдчигöн.
   "Велавны" вежöртас удмурт сёрниын кутic петкöдлысьыны дышыны кадакывйöн, и тайö кывйыслöн сöвмис: "бурö велöдöм, бурö нуöдöм, мортöс сöвмöдöм" вежöртас.
   А проста овны велалöм, удж вöчтöг пукалöм кутiс нимтысьны азьтэм (водзмöстчытöм, водзö мунтöм) вежöртаса кывйöн.
   Удмурт сёрниын эм и велавны кыв, кодлöн вежöртасыс: гöгöрвоны.
   Комиын "гöгöрвоны да выльтор тöдмавны" петкöдлыcсьбны öти кывйöн - велавны. Сэтысь и артмöмаöсь: велöдчыны, велöдчытöг да с.в. кыв формаяс.
   Финн-угор войтыр пиысь мари кывйын паныдасьлö удмурт дышыны да коми дышмыны дiнö матын юрганнога кыв:
тышлаш - туявны, видлавны мыйкö,
тышлымаш - туялöм, туялан удж (мари кывйын коми да удмурт гора д соглаcнöйлы весьтас сулалö гортöм -т, а инфинитив суффиксыс коми да удмурт -ыны, мариын -аш).
   Дышыны кыв öтласа перым войтыр олан кадö вöлi нимтö велалöм. Комиын сылöн вежöртасыс векняммöма, кутöма тöдчöдны сöмын уджтöг пукавны велалöм, весь олöм.
   Рöдвуж финн-угор кывъяс öткодялiгöн ми казялам кыв сöвман туйяссö: мари ног тышлаш - туялан удж нуöдны, удмурт ног дышетскыны - велöдчыны, юр югдöдны, вежöрcявны, комиöн дышöдчыны - тöв чужъявны, дась нянь cёйны, бур йöзöc дöзмöдны.

0

7

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

ЛЫЗЬ

   Коми кывйын эм ярскöб кыв тэчас: кöч ку лызь. Сiйöн нимтöны мортöс, кодi оз кутчысь аслас кыв вылын, кык бана шаньгаöс, кöч ку лызьöн шуöны öтарö-мöдарöасьысьöс. Коми фразеологизмъяс кывкудйын И.И. Тарабукин да Ф.В. Плесовский "кöч ку лызь" кыв тэчаслысь пасйöны вежöртас: жöникыд гöтрасис мöд вылö.
   Зэв стöча тöдчöдöны тайö кыв тэчасöн мортлысь омöль донсö. Археологьяс Коми муысь важъя йöзлысь оланiн туялiгöн аддзывлöмаöсь квайт сюрc во сайся лызьяслысь колясъяс... Сiдзкö, миян пöль-пöчьяс лызьнад ветлöдлывлöмаöсь важысянь нин.
   Лызь кывйыс юрганног боксяньыс зэв матын роч лыжи кыв дiнö. Сöмын коми зь-лы рочын лöcялö жи. Но ми тöдам, мый XIV нэмын важъя рочьяс ж да ш шыяссö шулöмаöсь небыда на: зь да сь ног.
   Сiйöн и öнi на роч литературной кывйын ж да ш бöрын гижöны ь да и : рожь, ржи, мышь, мыши, кöть и шуöны тайö шыяссö чорыда.
   Сiдзкö, квайтсё во сайын, Коми муö Перымса Степан кадö, кор пырис выль эскöм, коми сёрниö кутöны веськавны и роч кывъяс, шуам: чась ("юр чась" кыв тэчасысь) - важъя роч чашя -ысь, öня роч ног: чаша; лызь - важъя роч лыжи -ысь. Кывпомса глаcнöйяс коми кывйын сэки усьöмаöсь, кыдзи и мукöд рöдвуж финн-угор кадсянь воöм кывъясысь. Öткодялöй:
                коми               удмурт               финн
                лым                 лымы                  lumi
                чань                чуньы                 sonni
   А кыдзи жö шулöмаöсь важъя комияc лызьныcö, важъя роч сёрниысь кытчöдз тайö лызь кывйыс эз пыр миян пöльяслы-пöчьяслы сёрнианыc? Удораса сёрниcикасын эм кыдс кыв, сiйöн нимтöны челядьлы исласьны ас вöчöм лызь, кодöc абу эжöмаöсь кучикöн вöралан лызь моз (ССКЗД)
   Комилы медматыcса рöдвужыс удмуртъяс лызьсö нимтöны "куас" кывйöн: куасэн ветлыны - лызьöн ветлыны; куасэн нискыланы - исласьны лызьöн; пал куас вылын нискылтыны - лызь пöв вылын исковтны. (Бор.)
   Удмурт сёрниын эм кыв кусланы - кутны бöрö исковтöмысь, керöсö кайигöн исковтöмысь. Мукöд финн-угор кывъясын ciдзжö паныдасьлöны татшöм сикас вежöртаса кывъяс: мари куыш – пемöс кучик, карел - кежи - кульöм пемöс кучик, манси - кует - кöр либö йöра кокысь кучик.
   Кыввужса кык орчча: уа, уэ глаcнöйясысь комиын кольöма сöмын öтиыc, дай ciйö вуджöма ы -ö. Мукöд финн-угор кывъясын кык гласнöй кыввужйын паныдасьлö тшöкыда.
   Öткодялöй:
                коми               удмурт               финн               эст
                квайт               куать                 kuusi               kuus
   Коми кывйын вöвлöм кык гласнöй письыс öтиыc усьöма либö вуджöма в -ö.
   Тайö кывъяслы матын юрганногнас да вежöртаснас коми кыс кыв, рочöн кö камыс - пемöс кокъясысь кульöм кучик. Комиын вöдитчöны вöралысьяс кыса лызьясöн да кыса лямпаяcöн, кодъяс чой паныд кайигöн оз исковтны бöр.
   Сiдзкö, тайö кыса лызьыс коми олöмын важысянь нин тöдcа, ciйöн шулöмаöсь кыcöн, кыдзи и удмуртъяс öнöдз нимтöны лызьсö куасöн.
   Дерт жö, эжöны кö вöлi лызьсö небыд гöна кöч кучикöн, татшöмыд оз вöлi кут чой паныдтö кайигöн бöрö исковтöмсьыд, cэтшöмыд, вöлöм, öтарö-мöдарö кокниа исласьö. Татшöм лызьлöн нимыс вöлöма кöч ку кыс! Вочасöн ciйö вуджис мортöс донъялана ярскöб зумыд "кöч ку лызь" кыв тэчасö.

0

8

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

САЙ

   Миян сёрниын "сай" кыв ёнджыкасö мунö кывбöр пыдди: пызан сайын, керка сайсянь, вöр сайö да св. "Сайын" кывбöр отсалö йитны торъя кывъяс колана мöвпö.
   Войвывса коми сёрнисикасъясын: Удораын, Эжва горулын, Изьватасын - "сай" кыв мунö и эмакыв пыдди. Сiйöн нимтöны лыскысь-ньöрысь вöчöм чoм, кодöc утка кыйöдагöн вöралысь сувтöдö ю дорö либö ты бокö. Тайö чомйыс - сайыс, öти-кö, дзебö вöралысьöc уткаöн казялöмысь, мöд-кö, видзö мортöс лэчыд войтöлысь, лымйысь, зэрысь, пöcь шондi югöръясысь.
   Лунвыв сёрнисикасын - Летка вожын - сайöн нимтöны кöлуйлысь ортсы боксö, ывладорсö. Сэнi шуöны: керка пытшкöс, но керка caй; пывcян пытшкöс, но пывcян сай.
   "Сай" кыв паныдасьлö öткымын кыв тэчасын - идиомаын: син сай - дзебас, тыдавтöмин, гусяин; гож сай - вуджöр, ыркыдiн; тöв сай -лöнин, шоныдiн, тöвтöмин.
   "Сай" кыв вужйысь артмöны выль кывъяс: сайласьны - дзесясьны, вошласьны, пышъявны. Шондi пö сайласьö кымöръяс костö.
   Саймовтны, сайöдны - дзебны; идравны; пуктыны дзебасö; гусяинö. Саймовтны пö челядьысь кампетсö; саймовтчыны, сайöдчыны -дзебсьыны, син улысь воштысьны.
   "Сай" кывлысь неуна торъяланаджык вежöртас ми аддзам зумыд кывтэчасъясысь. Татшöм кыв тэчасъясас тшöкыда кольöны cэтшöм кывъяс, кодъяс быдлунъя сёрниысь бырöмаöсь нин. Шуам: стенысь бердö ветлöдлыны (тöждысьысь, мый вöcна кö майшасьысь морт йылысь). Taнi "берд" кывйыслöн вöлöма "керка стен" вежöртас. Талунъя коми сёрниын сы пыдди вöдитчöны рочысь пыртöм "стен" кывйöн.
   А зумыд кыв тэчасын паныдасьлысь кывйыс кольöма рöдвуж финн-угор кывъясö; удмурт кывйö - борд, ханты кывйö - пирт, мари кывйö - пöрт. Ханты да мари кывъясын коми "б" шылы лöcялö важъя гортöм "п" шы.
   Татшöмтор жö ми аддзам и верöc сайö петны, верöc сайö сетны зумыд кыв тэчасын, кодi артмöма ёна важöн нин, кор комияc овлöмаöсь öтлаын мукöд финн-угор кывъя войтыркöд, и сэксянь öтласа кывъяслöн вежбртасыс кутшöмакö торъялыштöмаöсь.
   Квайтсё во сайся коми гижöдъясын, кодöc вöчлic Перымса Степан, верöc кывйöн нимтöны мужичöйöc, венгерскöйöн верöсыс - ферй, удмурт ног - вар, мордва ног - вардо. "Верöc" кыв öнiя коми сёрниын паныдасьлö cöмын зумыд кыв тэчасын (верöc сайын). Быдлунъя сёрниын оз водитчыны верöc кывйöн. Сы пыдди шуöны гоз пöв либо рочысь босьтöм - мужик.
   "Сайö" кывбöрлöн "верöc сайö петны, верöc сайö сетны" тэчасас вежöртасыс абу ин петкöдлöм, а неуна мöдджык.
   "Верöc сайö петны" шуигöн ми тöд выланым кутам, мый нывбабa петö оз верöc мыш сайö, а мунö сы дорйöд улö, кöcйö овны сы дöзьöр улын.
   Taнi "сай" кывлöн кольöма важъяджык вежöртасыс, кодöc öнi кокньыда казялам рöдвуж финн-угор кывъясысь. Шуам, карел да финн сёрниын эм коми "сай" -лы юрганног боксяньыс матыcса кыв - суоя. Сiйöн нимтöны: дорйöм, видзöм, зумыдiн, лёкторйысь видзчысянiн.
   "Суоя" кыв вужйысь карел да финн сёрниын артмöны выль кывъяс, кодъяслöн вежöртасыс: дорйыны, видзны, шонтыны. Шуам татшöмъяс: суояутуа - видзчысьны; суояхтiя - кодöcкö мыйыськö дорйыны; кодлыкö сай сетны; сайöдны ciйöc лёкысь; суояттаа -небзьöдны лым шондi югöръяслы, шондöдны.
   Эст кывйын "сое, сооя" кутö "шоныд" тöдчöдан вежöртас. Сiдзжö: лöнин, тöвтöмин, мый бура лöсялö коми "сай" кывлы. Эстъяс шуöны: сое илм - шоныд ывла; сое сюда - бур сьöлöм (шоныд сьöлöм, кодi сетö мортлы сай лёк вöчысьыс).
   Удмуртъяс "сай, сай ул" кывъясöн нимтöны дзебас, дзебсянiн. Мари кывйын эм кыв шайгак - лэбув пыкбд, шайыц - бöрсянь, шайкы -бöрö.
   Мари сёрниын коми "с" шылы весьтас сулалö "ш". Öткодялöй:
                коми               мари
                син                шинча
               сырчик           шырчик
   Саами кывйын сулалöны суогье - бöрын манси ног, сай - бöрын, а ханты ног сая - бöрын жö.
   "Сай" кыв туялiгöн ми гöгöрвоам, мый быдлунъя сёрниын вöдитчан кывъясным вочасöн вежсьöны. "Сайын" кывбöр лючки-ладнö петкöдлö, мый ин тöдчöдöмысь öтдор тайö кывйыс коми сёрнисикасъясын да кыв олiгчöжöн, вöлöмкö, кутö "дöзьöр, дорйöд, вевттьöд, шоныд" вежöртас. И тайö вежöртасыс ёна важ, сiйö кольöма сöмын зумыд кыв тэчасъясö. Но рöдвуж кывъясын: карел, финн, эст, удмурт, мари, саами, ханты, манси сёрниын сылöн вежöртасыс паськыд. Öнiя коми литературной кывйын "сай" -лöн вежöртасыс лоöма векньыдджык, йывмöма ина кывбöрöдз.


_____________________________

"Сай" кыв туялiгöн ми гöгöрвоам, мый быдлунъя сёрниын вöдитчан кывъясным вочасöн вежсьöны. И тайö вежöртасыс ёна важ, сiйö кольöма сöмын зумыд кыв тэчасъясö.
   - И öнi эм кыв сайöд. «Керка бокас сувт. – Век нин сайöд чизыр вой тöвсьыс». «Шондiысь сайöд» - вуджöр, навес, саймовтчанiн. «Штопсö сайöдлы кытчöкö празникöдз.»
   "Керка сай" - карта сай, стын сай - керка мыш бок, керка мöдар бокыс. "Пывсян сайын пес чипас", "зорОд саяс нывсО личкывлыны". "Армияад нö "карта сайад" служитiн?" (сiдзкö матын; шуам, Арх. областьын).

"Верöc" кыв öнiя коми сёрниын паныдасьлö cöмын зумыд кыв тэчасын (верöc сайын).
   - Оз куш тайö «зумыд кыв тэчасын». Сiдз жö, кыдзи и мужик, öткодя позьö шуны «верöсöй менам», «верöскöд отлаын», «верöсныд нö Маръялöн кодарын шодлö»,…
   Вермас лоны, "верöс сайö петны" - "вердысь сайö петны", "вермысь сайö петны".

Шуам: стенысь бердö ветлöдлыны… Taнi "берд" кывйыслöн вöлöма "керка стен" вежöртас.
   - Миян шуöны: «Сьтенмысь сьтенмö ветлыны». – Ветлöдлыны öтарö-мöдарö – мырсьыны, нервничайтны.
   «Берд» - абу "керка стен". Керка берд – керка дор. "Вöр бердыс лымъяна."
   Но шулöны и «керка джоджыд няйтас бердöма» (бусöн, лöп-ёгöн тырöма), «карта öдзöс бердöма» (лымсö пуктöма тöлыс), «туйыс бердöма» (лымйöн). «Выйтö ёна сёйöмысь – синмыд бердö» (синмыд пемдö, «пемыднас тырö»).

0

9

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

ЕН - ЕНМÖЙ ВЕРДЫСЬÖЙ - ЕНЛЫ
(кыввужйын сёрни шыяслöн лöсялöм йылысь)

   1. Финн-угор войтырлöн öтлаын олiгöн на сёрнианыс кывсикасъяс абу на торъявлöмаöсь, абу торйöдлöмаöсь сэкъя йöзыс эмакыв, кадакыв ни
кывберд. Асшöр кывсикасъяслöн кыввужныс вöлöма кык слога. Асшöр
кывсикасъяс пиысь тэчасног боксяньыс торъявлöмаöсь нимвежтасъяс -
индан вежöртаса кывъяс. Отсасян кывсикасъяс пиысь вöлöмаöсь
кывторъяс (частицаяс), кодъяс вермöмаöсь лоны öти слогаöсь.
   Öткодялöй:
          коми          удмурт          финн          венгр
            ми             ми                me            mi
            тi               тi                 te               ti
           нин            ини              niin           mar
            но              но                no             ne
           -ö                -э                -ko             -e
   Öнiя комиын дай рöдвуж финн-угор кывъясын тшöкыда позьö казявны, мый öти и ciйö жö кывйыс вермö мунны кык-куим кывсикас пыдди. Босьтам "шог" кыв, ciйö эмакыв Иван Куратовлбн "Шог нюкыльтö сьöлöм" сёрникузяын, но мунö кывберд пыдди сылöн жö "Шог ем сьöлöманöс бытшкö" сёрникузяын.
   "Талун меным шог" юöртöмын "шог" кыв - состояние петкöдлысь кывсикас, кодi матын кадакывберд дiнö.
   Инфинитив-кадакывлöн форма , но сы дiнö ми тшöкыда содталам эмакывъяс дiнö моз индан-асалан дa падеж суффиксъяс. Со, шуам, мöд морта öтка лыда индан суффикс -тö:
     а) эмакыв дiнын: "Пестö пачас. содтышт," - шуö пöч Петялы.
     б) инфинитив дiнын: "Велöдчынытö некор абу сер."
   Медводдза морта уна лыда асалан суффикс -ным да керан падежа суффикс -öс содтам:
   а) эмакыв дiнö: "Парманымöс кö огö дорйöй, кодi сэсся сiйöс доръяс." (И.Торопов)
     б) инфинитив дiнö: "Ас кадö слöймам жö мед локнынымöс." Инфинитив дiнö, эмакыв дiнö моз, содтысьö весиг öткымын сёрнисикасын уна лыд вылö индысь -яс суффикс.
   Эжва горулын, шуам, вермöны висьтавны: "Пожъясьныяс эгö удитöй;" -яс суффикса инфинитивöн танi дженьыда тöдчöдöны, мый пожъясьöмысь öтдор абу удитöмаöсь ни пыдзравны мыськöм кöлуйсö, ни öшöдны сiйöс косьтыны, ни идравны песласян ворнысö.
   Финн-угор войтырлöн öтув олан кадö кыввуж вöлöма кык слога, помасьлöма сiйö гласнöйöн. Тайö гласнöйыс вöлöма э, а (либо водз рада -а, сiйöс шуигöн кыв йыв инмö пиньясö). Тайö гласнöйыс паныдасьлö, öнiя финн-угор кывъясын: венгерскöйын, финскöйын, эстонскöйын да мукöдын.
   Комиысь сiйö бырöма, паныдасьлö сöмын öткымын сёрнисикасын, шуам, Эжва йывсаын, Изьватасын кывлöн бöръя слогъясын: мунэ, керкаэ, пукалэ.
   Кызвын торъякывйын коми кыввуж помса э вуджбма i -ö либо усьöма. сöмын öткымын кывйын кольöма кыввуж помын гласнöй: лыа, горда, сьöла, ёdi. Öнiя коми кывйын рöдвуж финн-угор войтыр сёрниын дорысь кыввужъяс дженьыдджыкöсь. Öткодялöй:
          коми          удмурт          финн          венгр
          пон             пуны             peni           fene
          руч            дзичы            repo           ravasz
          сöп              соп             sappi           ере
           ун              умме             uni            alorn
   Татшöм ногöн комиын артмöмабсь йир, пур, пож, пызь эмакывъяс.
   Финнъяс йир пыдди шуöны jarvi, пур пыдди parvi. Финн кывйын кыввуж помысь гласнöйыс абу усьöма, дай сы водзын сулалысь v согласнöйыс кольöма, а комиын усьöма кыввуж помса гласнöйыс дай сы водзса в -ыс. "Пож" кывйысь ми артмöдам пожнавны, пожнасьны кадакыв формаяс, коми-перым сёрнисикасын "пызь" кывйысь артмöдöны пызьнавны кадакыв. Ав - суффикс водзö сэнi содтысьö -н согласнöй. "Гоз" пыдди сэнi шуöны гозна. Ciдзкö, комиын войдор гоз, пож да пызь кывъяс вöлöмабсь кык слогаöсь да кыввуж помса гласной водзас сулалöма тшöтш -н согласной шы: гозна, пожна, пызьна.
   Тшöкыда кыввуж помысь усьöм согласной бöр содтысьö, содтам кö сы дiнö гласнöйсянь заводитчысь суффикс : ен-енмöй, енлы, согласнöйсянь заводитчысь суффикс водзын -м согласной оз содтысь. Öткодялöй: уд инмар, фин. silma – син,синмыд; фин. silmd, морд, сельме, венг. szem - кос, коскыс, фин. keski, тык - кöнтусь кольтаяс кöтöдны лöсьöдöм пöв, тыкта пыж - öтлаöдöм кык пыж, турун кылöдöм могысь; мари: токто -пыж бок; манси: тахт - вомöна кер.
   -м согласнöйысь кындзи кыввуж помö гласнöйсянь заводитчысь суффикс водзын вермöны содтысьны -к, -м, -й согласнöйяс. Татшöм ногöн, комиын сöвмис кык сикас кывдiн, кодi юöртö миян кывлöн важъя история йылысь, мукöд рöдвуж кывъя войтыркöд öтувъя олöм йывсьыным.
   Кыв водзын вермöма сулавны сöмын öти гласнöй либö согласнöй, кыв шöрас вермöма орччöн лоны кык-куим согласнöй. Вöр-ва шыяс серпасалысь торъякывъяс тшöкыда заводитчöны кык согласнöйсянь:
грымкнитны - усьны, жбыркнитны - лэбны, клёнгысьны - кучкысьны кöртö, мыйöкö чорыдö, шлопкысьны - сьöкыдаусьны, шняпкысьны -мыйлыкö небыда усьны джоджö, му вылö.
   Рöдвуж финн-угор кывъясын татшöм онома-топоэтическöй (вöр-ва шыяс серпасалысь) торъякывъяс вермöны жö заводитчыны кык согласнöй шысянь. Шуам, уд. крок-крок карыны - кравзыны ракалы; кром-кром сиыны - гора шыöн сёйны вöвлы кöрым; мари, кроп пераш - ки пыдöсöн клопвартны; кроп - клопвартöм; эст. prantsatama - тракнитны, бузгысьны, бузгöдны, бузгöдчыны.
   Кыввуж помса гласнöйяс усьöм бöрын на водзын сулалысь согласной чукöрысь бöръяыс кутшöмсюрö кывйысь усьöма жö, сьöкыд вöлöма шуны согласнöй шы чукöрсö кывпомса гласнöйтöгыс да.
   Кыв шöрын кö гласнöй костын сулалiснь; вомысь сынöдсö йöткыштöмöн артмысь гортöм согласнöйяс -к, -т, -п коми кывйын найö кыввуж помса согласнöйяс усьöм бöрын тшöтш жö усьöмаöсь, та восна комиын лобмаöсь гласнöйбн помасьысь öти слога кывъяс.
   Рöдвуж финн-угор сёрниын татшöм кывъясыс кузьджыкöсь. Öткодялöй:
          коми          мари          мордва          финн          вегр          манси
           ва              вуд            ведь             vete           viz             вит
           сё             шудö           сядо             sata          szaz           сам
           ма               -              медь             mete          mez              -
   Рöдвуж финн-угор кывъясысь коми торъялö ciйöн, мый кыввужйыс кызвыннас сылöн дженьыд, öти слога: пу, ма, йи, ю, кыр.
   Кыввужйын кö паныдасьö кык слог, тшöкыда татшöм кывйыс сложнöй, артмöма кык простöй кывйысь. Босьтам пучей кыв, сэтысь торйöдам кык юкöн пу да чей; чей юкöныс öнi торйöнсö оз нин паныдасьлы миян сёрниын, но рöдвуж финн-угор кывъясысь.ми аддзам сылы весьтас сулалысь формаяс: венгр сёрниын эм cseta (чета) кыв, кодöн нимтöны тыш, керасьöм воюйтöм, сражение: -й суффикс паныдасьлö финн кывйын кыдзи действие вöчысьöс нимтысь суффикс -fa; kizjoittaja - гижысь, но kirjoittaa - гижны; opettaja - велöдысь, но орettаа -велöдны. Артмö,коми пучей кыв - пу кералысь, пу писькöдлысь гаглöн ним.
   Школаын велöдчандырсянь на ми тöдам, мый коми кывйын эмöсь гора да гортöм согласной шыяс. Гора согласнöйыс кык сикас:
     а) сонорнöйяс, найöс шуигöн голос кылö ёна, кöть и петысь сынöдыс зурасьö вoм пытшса мытшöдö: в, й, л, ль, м, н, нь, р, б.
     б) шума согласнöйяс, кодъясöс шуигöн артмысь шумыс гöлöссьыс ыджыдджык: б, г, д, дь, ж, з, зь, дж, дз; гортöм согласнбйяс: п, к, т, ть, ш, с, сь, тш, ч; найöс шуалiгöн артмö сöмын шум, гöлöс ньöти оз кыв; гортöм да гора шума согласнöйяс артмöдöны гозъяс (параяс), тайö согласнöй шыясыс артманног боксяньыс öткодьöсь, торъялöны сöмын гöлöс абутöмнаныс, гусьöн сёрнитiгöн миян гора согласнöйысь артмö гортöм. Öткодялöй кывъяс, кодъяс торъялöны мöда-мöдсьыныс сöмын гора да гортöм шыясöн, вашкöдчигöн найöс ми шуалам öтмоз:
     би - пи
     вод - вот
     гор - кор
     дi - тi
     дзик - чиг
     джын - тшын
   Орччöдам кö ми коми торъякывъяс да рöдвуж финн-угор войтыр сёрниысь кывъяс , миянлы синмö шыбитчас, мый гора шума коми согласнöйяслы финн, эстон, манси, ханты, мари да мукбд сёрниын лöсялöны гортöм шумаяс. Öткодялöй:
          коми          мари          финн
          бур            поро           paras
         бурня        пурня          purnu
          дiн             тунг            tuvi
   Кыв шöрын шумöн артмысь гора коми согласнöйлы сулалö кык орчча согласнöй шы, на пиысь öтиыс гортöм, сылöн артманногыс коми гора согласнöйкöд öткодь, мöдыс - ныр пыр шусяна сонорнöй шы: м, н либö нь. Öткодялöй:
          коми          финн          мари          мордва
          гид                kenta
          зiб                 sompa        шомба          шомб
          содны            syntia
          тöдны            tuntea
   Кыдз ми аддзам, лоöмаöсь ыджыд вежсьöмъяс кыв шöрын кык орчча согласнöйысь öтиыс, сонорнöйыс бырöма, сы пыдди гораммöма сы бöрын сулалысь гортöмыс, лоöма деназализация процесс - ныр пыр шусяна гора согласнöй сетöма ассьыс горалунсö орчча гортöм шыыслы, а ачыс бырöма.
   Таысь кындзи коми кывйын кывводзса гортöм согласнбйяс гораммисны кывшöрса сонорнöй согласнöйяс тöдчöм вöсна. Öткодялбй:
          коми          финн         
           гöн             кynа
           бöр            регaa
           дор            tera
   Кывшöрса -н да -р шыяс гораöсь. Коми кывйын найö гораммöдöмаöсь кывводзса -к, -п шыяс, пöртöмаöсь найöс г, б, д -ö.
   Татшöм сикас вежсьöмъясыс ёна торйöдicны коми сёрни рöдвуж финн-угор войтыр сёрниысь, вöчисны сiйöс аслыссикасöн, сöмын комилы.

0

10

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

ДАС - ПАС

öтик - мöтик
кык - мык
куим - нуим
нёль - моль
вит   - низь
квайт - няйт
   Ичöтдырсянь быдöнлы тöдса тайö челядьлöн ворсан лыддьысянкывйыс, тыдалö, чужöма ёна важöн нин, кор финн-угор войтыр овлöмаöсь öтчукöын да сёрнитлöмаöсь öтласа кывйöн на. Сэки найö абу сöмын торйöдлöмаöсь öти предмет уна öткодьысь, но и торйöдлöмаöсь кыкöс уна пиысь, вöдитчöмаöсь öтка лыда, кыка лыда да уна лыда эмакывъясöн.
   Öнöдз на рöдвуж финн - угор войтыр лыдакывъяслысь нимъяснысö торйöдöны кыкаöн-кыкаöн рифмуйтчöм серти да рифматöмлунныс серти.
Öткодялöй рифмуйтчысь лыдакывъяс:
          коми          удмурт          мари          финн          эст
          öтик            одiг              икты           yksi           uks
          кык              кык             кокты         kaksi          kaks
                           рифмуйтчысь кывъяс
          куим           куинь            кум            kolme         kolm
          нёль            ньыл             ныл             nelja         nelj
                           рифмуйтчытöм кывъяс
          вит               вить             вызыт          viisi          viis
          квайт           куать           кудыт          kuusi        kuus
   Важъя йöз финн - угор подув кыв кадö oлiганыс, велавлöмаöсь артасьны сöмын квайтöдз. И тайö лыдакывъяссö вöлöм юклöмаöсь кыкöн-кыкöн, кыдзи и мукöд нимъяс, кодъяс кытшавлicны найöс.
   А урал подув кыв кадö миян финн-угор пöль-пöчъяс овлöмаöсь öтлаын самодий кывъя войтыркöд, кытчö пырöны ненечьяс, энечьяс, нганасанъяс, селькупъяс, сэки найö лыдакывъястö абу на тöдлöмаöсь, артасьнынысö абу сяммылöмаöсь.
   Ненеч кывйын, кыдзи и нганасан, энеч, селькуп сёрниын, лыдпас нимъяс артмöмаöсь, финн-угор войтырысь торъялöм бöраныс нин.
   Урал кыв семьяö котыртчысь войтыр сэки абу на кужлöмаöсь öнiя моз мöвпавны абстрактнöй (отвлечённöя).
   Татшöм кывкöртöдö воан, кор öткодялан коми лыдакывъяс йöгра (венгр, хант, манси) да селькуп лыдпас нимъяскöд.
          коми          венгр          хант          манси          селькуп
          öтик        edy (эдь)        ит               эк               окыр
          кык             ket              кут            кут              шиты
          куим         harom          холэм          хурум            нагур
          нёль      negy (нэдь)      неля           нила             тэтты
          вит              öt             веет            эт              сомбыла
          квайт          hat             хот             кат              муктыт
          сизим          het            лабыт          сат              сэльчи
   Важъя пöль-пöчьяснымлы квайтысь унджык öткодь предметыс вывтi унаöн кажитчылöма.
   Та вöсна öнöдз на важъя шусьöгъясын да зумыд кывтэчасъясын "сизим" кыв - "уна" кадакывбердлы синоним пыдди мунö, шуам: сизимысь öтисö висьтавны колö; сизимысь öтиторсö долян; сизимысь мöвпышт, сэсся вöч. Художествоа гижöдъясысь позьö аддзыны "сизим" лыдакывлысь "уна" кадакывберд пыдди мунöмсö: Киссьö вирыс уна шорöн; Дойыс сизимдас да сизим (В. Попов). "Сизим" лыдпаслысь артман кадсö позьö ылöсас тöдмавны. Тайö лыдакывйыс юргö öтмоз сöмын финн-перым войтыр сёрниын, а йöгра (венгр, хант, манси) сизимсö аслысног нин шуалöны. А йöгра торйöдчöма мукöд финн-перым войтырысь нёль сюрc во сайын.
   Сiдзкö, сiйö кадö "сизим" лыдакыв абу на вöлöма финн-угор войтыр сёрниын, сизимыс - удмурт ног: сизьым, мари ног: шым, финн ног: - seitseman, эст ног: - seitse.
   Тайö лыдакыв нимъясыс ставныc зэв матынöcь немеч "sieben", англия кывса "seven", индия "sapta", латин "septem", "сизим" нимтысь лыдакыв дiнö. Ученöйяс чайтöм серти "сизим" лыдакыв воöма перым-финн войтыр сёрниö скифъяссянь (иран кывъя лунвыв суседъяссяньныс) нёль сюрc во сайын кымын.
   "Кöкъямыс", "öкмыс", "дас" лыдакывъяс артмöдöмын тыдовтчö нин финн-перым войтырлöн абстрактнöя мöвпавны кужöмыс.
   "Мында" кывйöн найö паcйылöмаöсь дас öткодь предмет, кодъясöc вöлöм сетöны мый вылö кö вежигöн. Шуам, вöралысьяс дас ур ку сетлöмаöсь ылi муысь вайöм пызь мешöкысь. Ур куяс ми босьтам тöд вылö ciйöн, мый öнi на коми сёрнисикасъясын "копейка" пыдди шуöны "ур".
   Колян нэмын на Куратов вöдитчис "ур кывйöн, кодöн нимтic сьöм:
            - Мед мöд сэн новлö зарни нöб,
            Да ciйö лёк и бöб.
            Эн сылысь весьшöрö ю сур,
            Эн весьшöрö босьт ур.
   Вочасöн "мында" кыв босьтöма "дас" лыдакывлысь вежöртассö, öд тыр дасъяс нимтысь лыдпасъясын тыдовтчö на "мында" кывлöн мын - вужйыс: комын, нелямын, ветымын, квайтымын. Удмурт кывйын - куамын (30), венгр кывйын: hetven (70) nyolcvan (80), kilencven (90), ven да van юкöнъясыс артмöмаöсь коми - мын юкöнкöд öти вужйысь.
   "Мында" кывбöрлöн -мын кыввужйыс тыдовтчö и кымын? нимвежтасын (венгр mennyi? -уна-ö, финн moni, monta -уна кадакывбердын).
   Öнiя "дас" лыдакыв артмöма скифъяслысь босьтöм dasa лыдакыв нимысь (öткодялöй: латин deka. роч десять). Удмурт ног тшöтш "дас", венгр ног - tiz, танi воддза соглаcнöйыс гортöм, но бöръяыc - гораммöма. Мари войтыр дассö нимтöны "лу" - öн. Тайö кывcö артмöдöмаöсь лыд вежöртаса эмакывйысь.
   Кöкъямыс да öкмыс нимъяслöн артмöмныc - артасьöмöн лоöмтор: мындаысь (дасысь) кыкöс да öтиöс чинтöм.
   Тшöкыда вöдитчöмла сложной лыдакывлöн петан падежа мындаысь формаые вочасöн лоас "мынысь" - öн, а сэсся пöрас "мыс" кывторйö.
   "Кöкъя" кыввужйын тыдовтчö "кык" лыдакывлöн важъя шуанногыс: векни ы глаcнöйлы весьтас сулалö паськыдджык гласнöй ö. Войдöр "кык" лыдакывйын кыввужcа глаcнöйыс волöма паськыд, öткодялöй: финн - kaksi, эст - kaks, венгр - ket. Сiдзжö и комиын кык пыдди войдöр шулöмаöсь кöк, та вылö индö "кöкъмыс" кыв войдöр -а, -я - суффикс артмöдлöма кыка лыда эмакывъяс: гозъя, ая-пиа, мöска-куканя, чаня-вöла, пияна ош...
   Коми кывйысь история чöжöн кыка лыд бырöма. Сылöн колясъясыс петкöдчöны вир-яйысь кык öткодь юкöн öтка лыд формаын шуöмын: син (кык син йылысь), ки (кык ки йылысь), кöсъям кö тöдчöдны кык письыс сöмын öти син, öти ки, сэки шуам: син пöв, ки пöв; шуйга син, веськыд ки...
   "Кык" лыдакывлöн важъя формаыc кольöма сöмын этимологиясö воштöм "кöкъя" кыв формаын. Öкмыс кывлöн воддза слогыс -öк да -öкмыны кадакывлöн кыввужйыс öтик кывлöн важъя форма вылö. Ёна войдöр. финн-угор войтырлöн öтласа олiганыс öтик пыдди вöлöмкö шулöмаöсь öкте. Тайöс позьö казявны, орччöдам кö коми лыдакыв финн ykte > yhte, мари иктыт. кывъяскöд. Коми кывйын лоöма метатеза - сёрни шыяслöн мöда-мöдныcкöд инныcö (местаныcö) вежöм: öкте -ысь лои öтик, кывпöмысь гласнöйыс усьöма, сiйöн кык согласнöй костас, кокньыдджыка найöс шуöм могысь содтысьöма гласнöй -и.
   "Куим" кывйын комилöн торъя олан кадö кыввужса гласнöйыс ciдзжö векняммöма, тайöс ми аддзам, орччöдам кö "комын" кывкöд, кöнi ко юкöныс кутö "куим" вежöртас, а мын -ыс дас пыдди мунö, кыввужса -у пыдди комиын сулалö о -паськыдджык гласной, и финн ног куимыд - kolme, венгр ног - harom.Кыдзи тыдовтчö, рöдвуж войтыр сёрниын "куим" нимтысь лыдакывйын кыввужса гласнöйыс паськыд: а, о.
   Нёль да нелямын кывъяс - öти вужъяöсь. Войдöр нёль пыдди шулöмаöсь неля (öткодялöй: öнiя финн ног - nelja). Комиын кывпомса гласнöйяс история чöжöн усьöмаöсь, а "нелямын" лыдакывйын сулалысь неля юкöнас мöд слогса -а - абу усьöма, öд сы бöрын сулалö на дзонь слог - мын, кодi тöдчöдö "дас" понятие. Неля кыввужйын гласнöйыс кольöма лабиализуйтчытöмöн (вомдоръяс гöгрöстытöг шуöмöн), кыдзи финн кывйын: nelja, венгрын: negy (нэдь).
   Вит да ветымын кывъяс орччöдiгöн ми аддзам, мый войдöр вит пыдди шулöмаöсь веты (кык слога кыв, кыдзи финнъяс: viite-), дай квайт да квайтымын паныд сувтöдiгöн аддзам важъя кык слога кыввуж: квайты (финн ног - kuute-). -Мын юкöныс видзöма кывпомса гласнöйяссö усьöмысь.
   "Кызь" нимтысь лыдакыв юргö öтмоз коми ног да удмурт ног, венгръяс пöшти миян ногöн жö нимтöны ciйöc - husz (xyc -öн). Тайö кывйыс, буракö, артмöма сэк, кор комияс да удмуртъяс кутлöмаöсь дзескыд йитöдъяс на и волысьöмаöсь венгръяскöд, кодъяс Дунай вылö вуджтöдзныс овлöмаöсь неуна лунвылынджык лунвыв роч степъясын.
   Кызь лыдакыв артмöма кык юкöнысь: кык дас кывтэчасысь. Тшöкыда вöдитчöмла "кык дас" кывтэчас вочасöн миян пöльяс сёрниын прöстмöма, воштöма этимологиясö да вуджöма öти слога "кызь" -ö.
   Тадзи жö воштöма этимологиясö да прöстмöма "куим дас" кывтэчас, кодöс войдöр нимтылöмаöсь койм (е) мын (да): куим пыдди шулöмаöсь койм (е), (öткодялöй: финн kolme, эст kolm, венгр harom, манси хурум, эрзя мордва колмо), дас пыдди -мын, кыдзи: нелямын, ветымын, квайтымын кывъясын.
   Удмурт кывйын кызь да комын кывъяс юрганног боксяньыс матынöсь коми дiнö либö öткодьöсь накöд: кызь, куамын, куамынысь торъялöны куа - куим вежöртаса кыв да мын - "дас" вежöртас кутысь кыв.
   Водзö удмурт лыдакывъяс артмöмын тыдовтчö комиысь торъялöм: 40-нъыльдон, 50 - витьтон, 60 - куатьтон, 70 - сизьымдон, 80 - тямыстон, 90 - укмыстон...
   Став тайö сложнöй лыдакывъясас мöд юкжныс артмöма дон кывйысь, кодлöн вежöртасыс "дас", ciдзкö, важöн удмуртъяс дас öткодь пемöс кучик, пöтка, чери, вотöс туис да с. в. сетлöмаöсь (вежлöмаöсь) мый вылö кö дон пыдди, вузöс пыдди.
   Кöкъямыс пыдди удмуртъяс шуöны тямыс, сы вöсна мый удмурт кывйын ударениеыс усьö бöръя слог вылас. Тайö лои татара кыв тöдчöм улын, татара кывйын ударениеыс усьö кывлöн бöръя слогö.
   Кокъямыс кыв шуигöн воддза слогыс кольö ударениетöм, та вöсна ö шыыс усьö,  я (й) шы водзвылын к согласной вуджö ть -ö, кыдзи коми сёрнисикасъясын и да э водзын к пыдди шуöны ть :
öткодялöй:
          литературной кывйын          Сыктыв шöрса Эжва горув сёрнисикас
               кепысь                                                  тепысь
                керка                                                     терка
                  ки                                                           ти
   Кывпомса слог вылö ударение усьлöма водз слогысь гласнöйыс усьöма и удмурт сёрниса мукöд кывъясын: трос (уна), öткодяв: коми тырыс, крезь - гусли, артмöма кырезь кывйысь, öткодялöй кырдзаны - сьывны.
   Öкмыс удмурт ног - укмыс, коми дiнö юрганног боксянь матын комиын воддза слогас ö пыдди вöлöма о, та выло индö изьватас сёрниын окмыс кывформа. Тайö о -ыслы удмурт кывйын векджык лöсялö у : борд - бурд, морт - мурт.
   Комиын да удмуртын моз артмöмаöсь кöкъямыс да öкмыс нимтысь лыдакывъяс и ылiджык рöдвуж войтыр сёрниын, шуам: финнын: kahdeksan "8" -кык дасысь; yhdeksan "9" - öти дасысь; селькупын: шитычангыт "8" - кык оз судз; океччангыт "9" - öти оз судз дасöдз.
   Кыдзи аддзам, рöдвуж финн-перым войтыр сёрниын кöкъямыс да öкмыс нимъяс - артманног сертиныс сложнöй кывъяс.

0

11

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

СЁ

                         Олан жö выдан тэ,
                         Сёмуса чужан сикт,
                         Керкаяс, рынышъяс,
                         потшöсъяс, юкмöсъяс...
                                          (Илля Вась)
   Быдлунъя сёрниын сё абу сöмын лыдакыв, кодöн нимтöны сё öткодьтор. Сё кывйöн пасйöны тшöтш помтöм унатор. Мам ассьыс писö сёшайтöн, сёзарниöн шуалö, сöмын сё шайт вылö, сё зарни вылö некодлы оз сет. Сё лыдакывйын тыдовтчö коми кывлöн важъя историяыс. Тайö лыдакыв нимсö финн-угор войтыр босьтлöмаöсь иран кывъя скиф суседъяслысь, кодъяскöд волысьлöмаöсь нёль гöгöр сюрc во сайын нин. Скифъяс cёсö нимтылöмаöсь сята -öн, сыысь артмöма öнiя роч сотня - сто, финн - сата, финнъяслöн небыд соглаcнöйяс бырöмаöсь, та вöcна и сата -ын воддза соглаcнöйсö шуöны чорыда. Венгр - саз (гижанногыс -szaz), важъя небыд сь -ыс венгр кывйын бырöма жö, а кывпомса глаcнöйыс усьöма. Кыв шöрын t согласной вуджöма z -ö абу cöмын тайö нимас, но и мукöдъясын. Öткодялöй:
            финн            венгр            коми
            mete-            mez                ма
            vete-             vez                ва
   Мари кывйын сята -ысь лоöма шудö, сэнi важъя небыд сь вуджöма ш -ö, а кыввужcа а - вежсьöма вомдоръяс гöгрöстöмöн артмбм у -ö (лабиализуйтчöма), т согласнöй гораммöма глаcнöйяс костын. Тадзи жö гораммöма т -ыс мордва кывйын, сэнi сята -ысь лоöма сяда.
   Комиын сята пыдди шуам сё, кыкпöв дженьыдджыка. Кывпомса глаенöйыс усьöма, кык гласной костын сулалысь т соглаcнöйыслöн шуанногыс лоöма личчыдджык, слабджык, вочаcöн т - усьöма, кыввужcа а -ыс вуджöма вомдоръяс гöгрöстöмöн артмöм о -ö (лабиализуйтчöм шыö). Важъя сята кывйысь комиöдз вежсьытбгыс воöма cöмын воддза сь соглаcнöйыс, мукöдыс быдcöн вежсьöмаöсь.
   Удмурт ног  сё -ыс  - сю. Танi став шы вежсьöмыс cэтшöм жö, кыдзи комиын. Сöмын кыввужcа глаcнöйыс вуджöма   у -ö. Комиысь удмуртъяслöн торъялöм бöрас кыввужcа глаенöйяс векняммöмаöсь,   о вуджöма у -ö. бткодялой:
            коми            удмурт
            горт               гурт
             кок               кук
            морт              мурт
            ордлы            урд
   Коми ног и удмурт ног сюрc кыв шусьö öтмоз. Тайö кылыс сiдзжö пырöма скиф сёрниысь.
   Финн войтыр сёрниын 1000 - tuhat, тайö кывйыс пырöма индоевропейскöй вужъя войтыр сёрниысь балтика бердын олысьяскöд волысигöн. Налöн сюрc нимтысь öти вужйысь петöма роч тысяча : немеч tausend лыдакывъяскöд.
   Венгр кывйын 1000 нимтысь ezer кыв сiдз жö, кыдзи и коми да удмурт сюрc, петöма иран кывъя олан войтыр сёрниысь.
   Миллион да миллиард лыдакывъяс пырöмаöсь быд финн-угор войтыр сёрниö сёрöн нин, найö öтмоз юргöны и комиын и удмуртын, и мариын, и мордваын, весиг венгрын (millio, milliard), и финнын (miljoona miljardi).
   Ciдзкö, лыдакывъяс чужöмаöсь миян сёрниын сёрöнджык мукöд аcшöр кывъясысь, но и налöн сöвман туйыс вöлöма чукыль-мукыльöcь, коми лыдакыв нимъясö история кольöма аcсьыс мöрччана пасъяс.

0

12

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

ЙÖГРА ВОКЪЯС

                                                                  Курав
                                          школа пыдöс, йöгра вок!
                                          Мед и тэнад чорыд лысьöм
                                          Тöдмалас тшöтш школа висьöм.
                                                                        И. Куратов.

   Из сайын, Коми мусянь неылын, Ямал ненеч да Ханты-Манси автономной кытшъясын олöны йöгра: хант да манси. Найöс наукаын нимтöны Обь вывса йöграбн, медым торйöдны Дунай юбердса йöграысь - венгръясысь.
   Венгръяслöн да Обьвывса йöгралöн - хант да манси войтырлöн - кывныс öта-мöд дiнаныс матын, кöть тайö войтырыс ёрта-ёртсяньыс öнi зэв ылынöсь: Венгръяс - Европа шöрынось, а Обьвывса йöгра -Сибиринöсь. Но ёна важöн, кык сюрc во сайын - найö овлöмаöсь öтлаын, сёрнитлöмаöсь öтласа кывйöн.
   И öнi кöть мöда-мöдныcö венгрыд ханткöд да мансикöд оз нин гöгöрвоны, унатор найö сёрниын öтласа на, торъя кывъяслöн юрганногыс да вежöртасныc шензьöдана матынöcь. Öткодялöй:
                 хант          манси          венгр
син            сэм             сам          szem (сэм)
вöв            лув             лов             lо(ло)
чери          хул             хул            hal (хол)
пон            амп             амп            eb (эб)
йи             енгк            янгк          jeg (йэг)
кык           кит              кет            ket (кэт)
куим        холэм          хурум       harom (харом)
нывбаба     нэ                нэ             nо (нö)
   Кык сюрc во чöж торйöн олiгад венгр кывйыд сöвмис мирын паськыда нималысь кывйö. Сiйöс велöдöны Европаса да Америкаса университетъясын, венгр кывйöн сёрнитöны учёнöйяс ыджыд чукöртчылöмъясын (конгресс-конференция дырйи), венгр кывйöн сувтöдöны спектакльяс, снимайтöны кинофильмъяс, кодъясöс петкöдлöны мушар пасьтала.
   Венгр поэтъяс Шандор Петбфи, Йожеф Аттила, Эндре Адь да мукöдъяс нималöны мирын медся тöдчана гижысьяс лыдын.
   Öня сöвмöм литературнöй венгр кыв подулын век жö куйлö важъя финн-угор кадö артмöм кыв.
   Олöмын выль понятиеяслы нимъяссö венгръяс сетöны важъя кыввужъясысь артмöдöмöн.
   Со, шуам, самолёт, аэродром понятиеяс чужисны миян нэмын. Найöс нимтöм могысь венгръяс вöдитчöны repul - (репюл) кывдiнöн, кодлöн вежöртасыс - лэбавны.
   Самолёттö венгръяс нимтöны repulogep -öн, лэбалан машинаöн, аэродромтö - repiilote'r -öн (лэбзян йöртöдöн), самолёт билеттö - repulojegy -öн (лэбзян пасöн) да св.
   Тайö венгр repulnt кадакывлы коми сёрнисикасъясын весьтас сулалö öти кыввужъя кыв: репавны, кодлöн вежöртасыс неуна векньыдджык: пывсян-рыныш горйын изъяс костöд би кывъяслы лэптысьны, кор изъясыс ёна нин сотчöмаöсь, пач ломтысигöн öгыръяслы лэбавны пач вомысь (КЭСК), гöбеч выысянь репнi (вв. Висер) - усьны гöбöчсянь; улö-юрö репны (уд.) - увлань юрöн усьны (ССКЗД); рипъёоны (иж.) - би кывъяслы петны пач потасöд (юöртiс З.П. Ануфриева), коми-пермяк сёрнисикасын репавны - разiпельö лэбзьыны: таррез репалкö - таръяс лэбзялiсны разiпельö (КПРС). Коми репавны кывлы удмуртын весьтас сулалö джабыр - сувтса; джабырскыны - кавшасьны, лэптысьны, сувтны, шуам: йырсиез джабыр джутскиз - юрсиыс сувтса сувic. Кыв водзын коми р шылы удмуртын лöсялö дж.
   Öткодялöй:
          коми                                        удмурт
         рöмыд                                       джомыт
           рыт                                          джыт
   ужин (рытъя шыд)                           джытшыд
   ужнайтны (рытъя шыд сёйны)         джытшыданы
   Кыв шöрын коми гортöм п -ыс удмуртын гораммöма, вуджöма б -ö.
   Ми аддзам, мый комиын, удмуртын да венгр сёрниын репавны - repdlni кадакывъяс нимтöны кыпöдчöм, лэбöм. Сöмын коми репавны, удмурт джабырскыны эз кутны нимтыны самолётöн лэбöм венгр кывйын моз.
   Венгръяслöн медматысса вокъясныс - хант да манси - самолёттö нимтöны öтмоз - бордъя пыжöн, ханты ног ciйö юргö: тухланг хоп, а манси ног - товлын хап. Пыжыд од Обь вывса йöгралы ёнджыка велалöмтор машина сертиыд. Но важъя кывъяс, кодъяс нимтöны олöмысь медколана пасъянторъяссö, Дунай вывса да Обь бердса йöгра сёрниын юргöны мöда-мöдныслы гöгöрвоанамоз.
   Öткодялöй:
                    хант          манси          венгр
овны            велты         олункве        elni
мунны          мента        минункве       menni
юны              яньт          аюнкве         inni
аддзыны        ныты        нанкункве      nezni
босьтны      вуйляты       винкве         venni

0

13

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

КОМИ КЫВЛÖН ФИНН-УГОР ВУЖЪЯС

   Историялысь кузь вöлöк вуджигöн коми йöз волысисны уна сикас войтыркöд, кодъяс пиын вöлiны и матiса да ылiса рöдвуж кывъяс, а ciдзжö мукöд кыв семьяяс: скифъяс, булгара, славяна.
   Рöдвуж финн-угор подув кывйысь торъялöм бöрын коми кыв сöвмис асшöра, сылы лöсялана кыв законъяс серти, а сiдзжö босьтic унатор аслас суседъяс сёрниысь. И öнi коми кыв дзик аслыссикас кыв, он сорлав сiйöс мукöд рöдвуж кывъяскöд, он шу сiйöс кутшöмкö кывлысь сёрнисикасöн.
   Комилöн финн-угор вужъясыс колины, найö зумыдöсь. Дерт, дыр каднад коми сёрниб пырис уна сюре торъякыв сусед войтыръяс сёрниысь. Найö кутшöмакö вежисны коми кывлысь чужöмбансö.
   Комилöн эм финн-угор подув кывлы лöсялана морфология тип - агглютинируйтöм (лемалöм).
   Тайö гöгöрвосьö тадзи: кыв форма вежигöн грамматикаысь быд торъя категория петкöдлыcсьö сылы лöсялана суффикcöн, а оз сiдзи, кыдзи рочын, кöнi öти суффиксыс индö öттшöтш кык либö унджык категория вылö.
   Шуам, "брату" кывйын -у суффикс индö оз сöмын сетан падеж вылö, сiйö индö öтка лыд вылö дай мужскöй род вылö. А "сестре" кывйын -е суффикс ас пиас öтувтö куим грамматической категориялысь признакныcö: сетан падежлысь, öтка лыдлысь, женской родлысь.
   Босьтам кö коми кыв, шуам: чойяснымлы либо вокъяснымлы, ми казялам, мый танi быд суффикс, кодi содтысьö "чой" либо "вок" кыввуж бердö, гöгöрвоöдö сöмын öти грамматической категория:
     -яс - индö уна лыд вылö;
     -ным - индö асалöм вылö: I морта, уна лыд формаын асалöмыс; уна лыд вылас индö -к-; а I морт вылас -м- суффикс юкöныc;
     -ным - суффикcöн тöдчöдöм асалöмыс петкöдлö, мый кыввужйын индöм мортыс миянлы öтвывса;
     -лы - суффикс индö сетан падеж (вежлöг) вылö.
   Татшöм ногöн тшöтш содтысьöны (лемасьöны) öта-мöд дiнаныc грамматика петкöдлысь суффиксъяс и мукöд финн-угор да самодий кывъясын.
   Вайöдам удмурт сузэръёсмылы кыв форма, кöнi кыввужйыс -сузэр -ичöт чой; ёс- уна лыд суффикс, -мы - асалан суффикс, лöсялö коми -ным -суффикслы, -лы - сетын вежлöг тöдчöдысь суффикс: Финн кывйын тайö кыв формаыcлы весьтас сулалö - sisareilleme:
     sisar - чой;
     i - уна лыд петкбдлысь суффикс;
     llе - сетан вежлöг суффикс, матын коми -лы- дiнö;
     mmе - асалан суффикс, индö I морта уна лыд вылö, войдöр вöлöма -nmе- (öткодяв коми: -ным- кöд);
     n - ыс индö уна лыд вылö, кыдзи и коми -ным - суффиксын, а мöд юкöныс -те -ыс индö I морта вылö.
    Венгр кывйын - novereinknek:
     never- ыджыдджык чой: nо - ныв, ver - вир: öти вирысь ныв (чой),
     i - уна лыдлöн суффикс. Тайö -i суффиксыс тыдовтчö и коми -яс да удмурт -ёс суффиксъясын, кодъясöс позьö торйöдны i да ас юкöнъяс вылö, i -ыс уна лыд тöдчöдö, а -ас да -ос юкöнъясыс тшöтш индöны уна öткодьтор чукöр вылö, шуам: идзас (уна быдмöг за чукöр), шыблас (уна шыбитöм кöлуй) да св.
     nk- асалан суффикс, кодi индö I морта уна лыдлун серти признак вылö: -n- артмöма т -ысь (ме - I морталун), k- ыс венгр кывйын уна лыдлöн суффикс (ki- кодi, kik- кодъяс).
     nek- сетан вежлöглöн суффикс.
   Комиын, кыдзи и рöдвуж финн-угор кывъясын, лыдакывъяс бердын, эмакыв век сулалö öтка лыдын. Шуам: дас вöв, öткодялöй роч кывтэчас, кöнi эмакывйыс лыдакыв бöрас сулалö уна лыдын: десять лошадей.
удмурт ног: дас вал
мордва ног: кемень лишме
мари ног: лу инме
финн ног: kymmenen hevosta
венгр ног: tiz lo
ханты ног: янг лов
манси ног: лов лув
   Быдлаын рöдвуж кывъясас эмакывйыс тайö пöрйö öтка лыда.
   Тадзи жö эмакывъяс босьтсьöны öтка лыдö, налы кö определение пыдди вайöдны лыд вылö индысь нимвежтасъяс, кадакывбердъяс: уна вöв, некымын вöв.
   Öткодялöй:
удмурт: уно вал, коняке вал
венгр ног: sok lo, nehany lo;
финн ног: monta hevosta, muutama hevosta;
мокша-мордва: ламо алаша, мзяра-мзяра алаша;
эрзя-мордва: ламо лише, зярыя лишме;
манси: саав лув, матахмат лув;
мари: шукын имне, иктаж-мыняр имне.
   Финн-угор войтырлöн öтлаын на олiганыс торъякыв вермöма артмыны öти согласнöй шысянь либö гласнöйсянь, кык либо унджык согласнöй шы кыв водзас сулавны абу вермöма.
   Индо-европейскöй кыв-семьяö пырысь войтыр сёрниын кык да куим согласнöйсянь заводитчысь кывйыд абу шоч.

   Шуам, рочын: брат, здравствуйте, крепкий, строитель;
немечын: sprechen - сёрнитны, schreiben - гижны, treiben - вöдитны;
англия кывйын: speak - сёрнит, green - турунвиж; швед кывйын: kvinna - ань, svan - юсь, svin - порсь, sprak - кыв, skog - вор, tra - пу.
   Кык согласнöйсянь заводитчысь кывйыд комиад кызвыннас пырöма рочысь либо роч кыв пыр Рытыввыв Европаса войтыр сёрниысь. Кöть мукöддырйи татшöм кывйыд кажитчö нач комиöн, сэтшöма нин ми сы дiнö велалöмаöсь.
   Шуам, грезд (ичöтик сикт) - быттьö комиысь - коми кыв тайö. Но збыльвылассö сiйö важъя роч сёрниысь пырöм гроздь кывйöн миян пöль-пöчьясным кутöмаöсь нимтыны некымын керкаа сикттö, кöнi керкаясыс туй пöлöныс кыдзи турун за вылын розъяс пукалöны.
   Либо босьтам "став" нимвежтас. Сiйöн ми вöдитчам быд лун окотапырысь, ciйö вежласьö вежлöгъяс серти, морт серти: ставным, ставныд, ставныc, ставныcкöд, ставныcлы, ставöдзным да св. ...
   Чужöмбаныс став нимвежтаслöн быттьö комимöма, но сылöн рочысь пырöм вылас индö кык соглаcнöйыслöн кыв заводитчанiнас сулалöмыс.
   Важ роч кывйын вöлöма "съетво" эмакыв, кодi нимтылöма öтчукöрын сулалысь йöз, кöлуй да св. Бöрынджык сiйö роч сёрниысь бырöма, кольöма cöмын öткымын эмакывйö суффикс пыдди: детство, отрочество, студенчество... (М. Фасмер, ЭСРЯ, II. М.: Прогресс, 197]. 828 с.)
   Коми сёрнисикасъясын "ставöн", "ставыс" пыдди шуöны: "тавöн", "тавыс" (ВВД), воддза соглаcнöйтöгыс вöдитчöмын танi тыдовтчö важъя финн-угор подув кыв кадсянь шуанноглöн тöдчöмыс.
   Рочысь босьтöм "вдова", "вдовец" пыдди коми сёрнисикасъясын шуöны: "дöва", "дöвеч". Удора сёрнисикасын "кад" кыв пыдди шуöны: , "рема" - рочысь босьтöм "время" кывйысь воддза соглаcнöйыд коми сёрниад усьöма. Рочысь пырöм кывъясын кык согласнöй водзö содтысьны вермö гласнöй шы, кокньыдджыка шуöм могысь: "что" (што) пыдди шуöны "ыштö": "Велöдчысьяслы шуисны, ыштö аски колхозö нуöдасны" (КРС), "ртуть" пыдди "уртуть" -вв. (Крч.), лет., "ыртуть"-ъв. (Дер.) (ССКЗД) .
   Татшöмтор жö тыдовтчö рöдвуж финн-угор кывъясын. Венгръяс латин кывйысь босьтöм "школа" кыв пыдди шуöны: iskola- ишкола, лемеч кывйысь босьтöм "Штефан" нимсö бергöдöмаöсь Иштван -ö (Istva'n), латин кывйысь пырöм "крест" -лысь шуанногсö кокньöдöм могысь кык согласнöй костас содтöны э- гласнöй, артмö kereszt - керест.
   Мари сёрниын рочысь босьтöм "ржаной" (рудзöг) кыв шуöны ыржа -öн: ыржа кинды - рудзöг кянь, ыржа вичи - рудзöг ыб (рудзöг видз). Ызыра, ызра - зря, напрасно. (МРС)
   Финнъяс шведъяслысь босьтöм "skol" (школа) кыв пыдди шубны "koulu", воддза согласнöйсö оз шуны, крест кывйыд финн ног - воддза к -тöгыс жö шусьö: risti. Швед кывйысь пырöм Stafan ним пöрöма Tapani ö, Stockholm - Tukholma -ö (воддза согласнöйтöмöсь.

0

14

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

ЫМРАВНЫ

   Тайö кадакывйыс петкöдлö шоныд сынöдöн öвтöм. Шуам: пачыс сэтшöм пöсь, ымралö керка тырнас; ывлаыс талун ымравмöн шоналöма. Коми "ымравны" кывлы рöдвуж финн-йöгра сёрниын юрганног боксяньыс матынöсь удмуртын: омыр - сынöд; чылкыт омыр - сöстöм сынöд; пöсь омыр - пöсь сынöд. Мариын: умыр - шоныд, лöнь (поводдя); умырташ - шонавны, лöньны (тöвлы); пече умыртыш - ывлаыс шоналic; финнын: aurinko – шондi.
   Буракö, коми кывйын войдöр вöлöма жö ымыр эмакыв, кодöн нимтылöмаöсь шоныд сынöдсö, сöмын тай сiйö вочасöн вунöма, а кольöма ымравны кадакывйö кыввуж пыдди.
   Удмурт да мари сёрниын омыр да умыр кывъясын м да р шыаяс костö содтысьöма ы гласной, медым кокньыдджык вöлi шуны кывсö. Тадзи жö öд содтысьöны гласнöйяс согласнöйяс костö коми эмакывъясын.
   Öткодялöй:
томнавны, но томан;
кабравны, но кабыр;
гöгравны, но гöгöрбок, а ciдзжö венгерскöйын, шуам: szobor -памятник, но szobrak - памятникъяс, tabor - войско, но tabrak -войскояс.
   Финн кывйын ымр кыввужлы лöсялö aurinko - шондi нимтысь кывлöн aurin юкöныс, ко -ыс сэнi кыв артмöдысь суффикс. Öткодялöй: финн: ukko - пöль, вепс: uk -пöль, akka - пöч, коми: акань, кыввужйыс - ак, суффикс - ань. Ымр кывйысь м да р согласнöйяслы финн aurinko кывйын лöсялöны rin шыяс. Ми казялам ж да р шыяслысь местананыс вежсьöмсö да на костö гласной i содтöмсö, мед кокньыдджык лои шунысö. Шыяслысь местананыс татшöм вежсьöмсö вермам аддзыны и мукöд кывйысь. Шуам, комиöн рöмидзтыны, а финнног: merehtia, войдöр вöлöма remehtia. Коми дз шыыс финн кывйын вежсьöма h -ö. Сэш важъя финн-йöгра кадся шутьлялан шыяс да аффрикатъяс бырöмабсь, на пыдди лоöма h.
   Öткодялöй:
          коми                  финн
           важ                   vanha
     жол >жов (пу)        hilse
           шыр                   hiiri
   Тшöкыда финн кывйын согласной водзса м шы вежсьö п -ö, шуам: lumi - лым, но lunta - лымтор.
   Сiдзкö, коми ымр да финн aurin кыввужъяс петöмаöсь öти вужйысь.
   Финн-йöгра войтырлöн öта-мöдсьыныс торъялöм бöрын кутic торъявны и кывъясныслöн вежöртасыс.
   Коми ымр - шоныд сынöд нимтысь кыввуж кутic паныдасьлыны cöмын ымравны кадакывйын. Финн сёрниын вочаcöн тайö кывйыс пöри aurinko -ö, кодöн кутicны нимтыны шоныдöн ымралысь кодзув – шондi. Мари сёрниын тайö кывнас нимтöны шондöдöм, тöвлысь лöньöм, а удмурт сёрниын ымр кыввужлы лöcялысь омыр -öн шуöны быд сикас сынöд, cöмын стöчмöдöны ciйöc колана кывбöрöн:
кезьыт омыр - кöдзыд сынöд;
юзмыт омыр - ыркыд сынöд;
гурысь пöcь омыр потэ - пачысь (горйысь) пöcь сынöд петö;
тыл омыр - би кыв...

0

15

  • Автор: Vladimir
  • Модератор
  • Зарегистрирован: 22.03.2008
  • Приглашений: 0
  • Сообщений: 679
  • Уважение: +10
  • Позитив: +1
  • Пол: Мужской
  • Провел на форуме:
    2 дня 8 часов
  • Последний визит:
    03.11.2010 11:32:53

ЭЖМАСЬНЫ

   Коми сёрнисикасъяс-диалектъяс - зэв сöдз öшмöс, кытчö дзэбсьöмаöсь важ кывъяс, кодъяс отсöгöн позьö туявны важ оласноглысь аслыспöлöслунсö, торъя кывъяслысь артмöмöсö.
   Öткымын коми сёрнисикасын, шуам, Емва вожын паныдасьлöны "эжмасьны, эжмооны" кывъяс, кодъяс кутöны вежöртас - öта-мöдлысь мыйкö мырддьыны. А Удора вожын шуöны вежмасьны (мырддьысьны), вежмавны (мырддьыны). Эжва йылын "эжкерсин" уськöдчыны код вылö кö, лёкысь усьласьны, шыбласьны.
   Кутам кö ми корсьны тайö кывъяслы лöcяланаяcöс рöдвуж финн-угор войтыр сёрниысь, аддзам удмуртъяслысь ожмаськыны кыв, кодлöн вежöртасыс: воюйтны, вермасьны, тышкасьны.
   Комиысь удмурт кывйыс торъялö cöмын кывводзын сулалысь глаcнöйнас. Кызвын кывйын медводдза слогын сулалысь коми -э -лы удмурт сёрниын лöcялö -о.
   Öткодялöй:
          коми          удмурт
           зэр              зор
          керка          корка
          петны         потыны
          сетны         сётыны
   Ожмаськыны кывйысь кындзи удмурт кывкудйын паныдасьлö ож кыввужъя 25 кыв.
ожмаськэм - тыш;
ожманы - ранитны;
ожалтiськыны - код вылö кö лэптыны ки;
ожаляны - вины;
ожын бырын - усьны война вылын;
ож - война да св.
   Эжмасьны кыв дiнö юрганногнас да вежöртаснас матын эрзя-мордва сёрниысь эцемс кыв, кодi петкöдлö: зырны кодöcкö, локны паныд кодлыкö, код вылö кö уськöдчыны.
   Коми водзын ж -лы мордва сёрниын весьтас сулалö ч, ц либо ш (гортöм шы).
   Öткодялам:
          коми          мордва
           жов            чевге
          жель        цулгомс (желлявны)
           жуг         шукш (лöп-ёг)
          жонь        шавоча да св.
   Рöдвуж йöз сёрниысь примеръяс корсигöн ми аддзам, мый эжмасьны кыв чужлöма уна сюрc во сайын, кор коми пöль-пöчным öтлаын овлöмаöсь абу cöмын удмуртъяскöд, но и мордва чой-вокныcкöд.
   Эжмасьны вежöртаса кывйысь удмуртъяс артмöдicны эмакыв: ож - война. Коми тайö кывcö босьтiс рочысь, сёрöнджык нин.
   Финн сёрниысь sota (война) кывлы мари сёрниын матын шюдэм (ёрöм) вежöртаса кыв. Комилы мари шюдэм -лы матын cöтöм - видöм, матькöм кыв.
   Ми аддзам, мый öти кыввужысь артмöм кывъяс рöдвуж йöз сёрниын кутшöмакö торъялöны вежöртаснаныс дай юрганногнаныс. Кыдзи тыдовтчö, война пыдди рöдвуж финн-угор войтыр лöсьöдöмаöсь аcшöр кывъяс.
   Комиын "война" вежöртаса аcшöр кывъяс олöны сёрнисикасъясын, кöть и эз ло öнöдз на найöc пыртöма литературнöй кывйö тышкасьны, воюйтны кадакывъяслы синонимъяс пыдди. "Эжмасьöм" эмакыв вермис мунны эськö война нимтысь термин пыдди.

0

Страница: 1

Вы здесь » Бадьёльйывсаяс - Бадьёльские » Коми кыв. Коми язык. » КОМИ КЫВЙЫС ГАЖАДЖЫК НА БИЫСЬ