"Коми йöз шмонитöны (вöвлöмторъяс)."
"Коми йöз шмонитöны (вöвлöмторъяс)."
Страница: 1
Сообщений 1 страница 5 из 5
Поделиться105.05.2008 23:15:36
- Администратор
- Откуда: Республика Коми
- Зарегистрирован: 13.03.2008
- Приглашений: 0
- Сообщений: 345
- Уважение: +4
- Позитив: +14
- Пол: Мужской
- Возраст: 63 [1961-01-09]
- Провел на форуме:
18 дней 22 часа - Последний визит:
05.04.2017 21:46:01
Поделиться205.05.2008 23:16:13
Öтчид öти детина лэччас ёль вомö чери кыйны.
Видзöдö - сiлысь шедöм черисö версттьö мужичöй езcис "кыйö" - гусясьö! Скöрмас чорыда детинаыд да кыдз тай гораа матьöктас!
Мöдыд, виччысьтöгыд, муртса оз усь кок йывсис! Колана кывйыс абу кутлöма сюрнi.
Кöсйöма эськö шуны: батьыд пö тшöктiс видзöдлiны (збыль ли абу ли) да сiйöн, но
повзьöмйывсид артмöма:
"МЫЙКÖЫД МЫЙКÖКЕРИС ДА - МЕ МЫЙКÖКЕРИ ЖÖ ! ЭЗ КÖ МЫЙКÖКЕР - МЕ ЭГ И МЫЙКЕР!"...
И öнi миян мукöддырйи оз кутлы сюрны коланаинад коми кывйид сернитiгад да тшöтш и гижысьяслöн...
Поделиться305.05.2008 23:16:36
Öнi миян татшöмыс овлö тшöкыда...
- Аски Верба (Троица, Пöкрö, ...)! Ставнытö - "праздникöн"! Бура шойччöй - аскомысь ковмас бара удж вылö.
- О-о! Аскомысьтö - оз артмы! Ог вермöй. - "Висьны" кутам.
- Мыйöннö "висьны" кутанныд?- Пидзöс гöгильныд аньны кутас али мый?
- Кыдзи? Мыйла сэтi - шуан? Мыйла - пидзöсöд?
- Аски öд - вичко праздник. Став йöзыс вичкоын юрбитны кутасны. - Сiдзкö, тi - мый? - тшöтш кутанныд пернапасъяс чöвтавны? Сiдзкö, тi тшöтш кутанныд лыддьыны молитва да псалтыр - вескыдвыв да шуйгавыв? Пидзöсвыланыд клёнгины-юрбитны?!!
...
Овлö и тадзи...
- Мыйнö уджныд тiянлы некодлы абу али мый? - Мир туй вылын койтысь пöтка моз шлапъяланныд-пöкаживайтанныд.
- Кутшöм удж?! Тэ, нö - мый...?! - повзис весиг мортыд (ачыс - меысь и кузьджык тушанас, и пельпомнас паськыдджык, и "вышшöй образованньöа"). - Оз позь! Грек талун уджавнытö! - "Крам-празьдник"!!! Енмыс ёрас!
- Сiдзкö, уджалöмысь - поланныд - ёрас?
Сiдзкö, уджалöмыс тiян - Енмыслы оз ков?! - А, лунтыръясöн горштö тыртанныд-юанныд да сiйö - тiянног-кö - Енног ?! Грекö вöйöмысь онö полöй?
Сiдзкö, тiянног, артмö - Енмыс "первойя алкашöн" вöлi?
И, колö лун-лун "горштö пожъявны", мед сылы буравны-"угодитны"? - Да?!!
...
Да-а-а! Öнi миян сiдзи и артмö - он кö Рöштво дырйи румка ганьöдлы; Верба дырйи кö он шатлав; Троица дырйи гуяс костын он туплясь,
крест вылысь он пöкмелитчы - тэ абу прамöй енверуйтысь!...
_________________________________
"Призрак ходит по деревне - призрак... Алкоголизма !"
Отредактировано Vladimir (05.05.2008 23:59:38)
Поделиться405.05.2008 23:18:31
Тайос ме важöн нин кывлi. Но, кор татшöмтор ачыс мортыс висьталö...
Пукалам ми войнас, сёрнитыштам нинöмкеригмоз...
Асывлань нин... Кöдзыд унзiль босьтö...
"Напарник" висьталö аслас олöмсьыс:
"Водзын ми вöрад ёна вöлi уджалам и, дерт, уна жö и деньгатö кулям волi... Да и винатö - прамöя сысъялам вöлi...
Öтчыд тöлысся удждон вайисны. А меным содтöд - премия и, отпускнöй и - ставсö öтпырйö...
Тöлысьысь дыр, гашкö, юим-"гажöдчим"...
Сэсся, дыр мысьти нин, кыдзкö-мыйкö, кыла ачымöс - ог ся вермы... - Колö орöдчвлыны татшöм "гажа олöмсьыс"...
Кыдз вермы, мыйкö ноптор чукартыштi - мöдöдчи вöр кеpкалань...
Öнi серам и, яндзим и висьтавныс... - эн дивит менö... А сэк меным - эз ёна вöв серам...
...довга ме туй кузя... Петi сиктысь... Ыб вывтi веськыдала. Ачым - öдва ловъя - гудрöдлö быдногыс. Ыб кузяыд муна... ВидзОда...
Яндзим, весиг, öнi висьтавныс.- Тэ сэн ёнасö - эн серав ме вылын!... уналöн татшöмкодьыд овлö...
... видзöда: ыб помас...
Дзик збыль!... Ньöти ог ылöдлы...
...ыб пасьталаыс... вöрсис петалöны... немечъяс!!! - ставныс формааöсь, автоматаöсь... Ыб гöгöрыс! - "окружайтöны"...
Мый тэ сералан?! - Збыльысь!
Кыдз война кадся кино вылад фашистъястö петкöдлöны - став кöлуйыс и, öружиеыс и... - ставыс сэтшöм. И, мый медъёна менö чуймöдö - сернисö кыла! - сернитöны öта-мод костас асланыс немеч кыв вылас!
Овлö - унаöн "адзывлöны" "мыйсюрö", но мед - "кылöны" вöлi, сёрнитöны вöлi тшöтш!...
...Ну, всё! - думайта. - ВОЙНА!!!...
Ме, дерт, сэтчö сайттöг повзи!... Ог тöд - усьны али котöртны! - Ноптö-ружъетö менам, эг и тöдлы, - шыбытсьöма!... Котöрта-пышъя! - олöмыд жаль на! ...
Сэн öти мужичöй вöлi мыйкö вöчасьö... Мыйкö аслас потшыс бокас... ноксьö... вöлi... Ме котöрта сайттöг дiнтiыс... горза сылы: "Мый тэ, йöй моз, танi шлапвидзан! - Война пансьöма!!! Немеч наступайтö!"
Ме горза... - Сiйö нинöм оз гöгöрво... Но повзис - чорыда!...
Ме ачым - водзö гортлань "чемешита"...
Воны кутi горт дорö... Видзöда - менам керка гöбöч öшиньöд би сявкйö! - "катюша" лыйлö!!!...
Ме - кулöма-нисьö-ловъя - котöрöн пыра гортö, а сэнi...
...А сэнi - менам керка джодж шöрын... пызан сайын... - менам "друзья-братьяыс"! век на "сульмуйтöны-празднуйтöны"!...
Ме на вылö кулакъясöн! - горза на вылö: "Война заводитчöма! А, тi - ..." - Муртса ставнысö абу вачкавсьöма... Öдва и лöньöдны, кöртавны вермöмаöсь... Дырöн, сэсся гöгöрвоöмаöсь, "мыйын делöыс"... - Корöмаöсь пельшöрöс... Сiйö менö кöрталöмöн уколалöма...
"Еджыд-пöсь висьöмыдкöд" ("Белая горячка")... - сiйö, тöдан, - ёнасö шмонитны... оз позь!..."
Да-а,... и татшöмтор овлö...
И тайö ставыс - збыльтор. Нинöм эг содтав: кыдзи мортыс ачыс виставлiс да кыдз менам юрö колис - сiдзи и гижи.
Ачыс, сiйö мортыс да и сылöн унджык "друзья-братьяыс" - абуöсь нин...
Вина юöмыдкöд... - сiйö, тöдан, - ёнасö шмонитныоз позь...
Отредактировано Vladimir (15.05.2008 23:17:08)
Поделиться515.05.2008 23:10:55
Кор мортыс сорсьывлö, вывтi азыма висьталiгас, либö ылöдчысьöс кывйöдыс кыясны - сэк татшöм мортыслы шулывлöны:
- "Ö! Бубен... А, Ночка, пö, вöлöма да - Краляöн шусис!" - Да?!
Водзын колхозад лун и вой вöлом уджалöны...
(Сэкся кадö оз вöлi öнiя моз, кыдз тэа-меа, - лунтыр тöв чужъявны.)
Муястö гöрöны вöлöм тшöтш и тувсовъя югыд войясö ...
Öтчыд, сiдз жö, войся смена гöрö вöлöм. Вöв вöтлысьтö унзiль кутöма босьтны. Вöв вöтлö:
- Ö, Ночка, ö!... Öрышт!... бöрöзда!...
и... вугыртлывлö новлöдлыгад. Сайкакывлас да бара горöдас:
- Ö! Бубен, ö!
Сэсся казялас, мый сорсис да "веськöдас":
- А, Ночка вöлöма да - Краляöн шусис!
Страница: 1